Raporti i Drejtorisë së Policisë në Stamboll për vitin 2018 zbulon një numër detajesh lidhur me vrasjen brutale të gazetarit Jamal Khashoggi, që ndodhi më 2 tetor në Konsullatën saudite në Stamboll, raporton Anadolu Agency (AA).
Raporti i aktiviteteve të vitit të kaluar të policisë turke në Stamboll thekson se brenda kompleksit të Konsullatës Saudite ndodhen dy puse për ujë dhe një furrë me dru dhe gaz.
Po ashtu theksohet se kjo është një furrë, temperatura e së cilës mund të arrijë temperatura të larta deri në 1.000 gradë Celsius, në të cilin mund të shkatërrohen të gjitha gjurmët e mundshme të ADN-së.
Po ashtu raporti nënvizon se në mesin e 15 personave, të cilët në ditën e vrasjes së Khashoggit mbërritën nga Arabia Saudite në Konsullatën në Stamboll ishte edhe eksperti 47-vjeçar i Ministrisë së Arabisë Saudite të mjekësisë forenzike, Salah Mohammed A. Tubaigy.
Ky është një ekspert i cili titullin e doktorit të shkencave e mori duke mbrojtur tezën për analizën e ADN-së në mostrat e indeve të eshtrave.
Gjithashtu theksohet se eksperti në fjalë ishte i aftë të kontrollojë nëse kanë ngelur gjurmë të ADN-së pas vrasjes së gazetarit Khashoggi, trupi i të cilit pasi që u vra, u copëtua dhe u dogj.
Raporti i policisë turke potencon se ekipi 15-anëtarësh i vrasësve të Khashoggit, pas vrasjes brutale nga një restorant i njohur i Stambollit porositi 32 racione mishi të papjekur në Konsullatën saudite.
“Duam, apo nuk duam, kjo ngrit një sërë pyetjesh…A ishte plani që mishi të piqej në furrë? Sigurisht se gjithçka do të zbardhet. Hetimet ende nuk kanë përfunduar”, thuhet në raport.
Në kuadër të hetimit rreth vrasjes së Khashoggit, Departamenti i anti-terrorit të policisë turke pranoi në total 224 raporte, kurse si më intersanti potencohet raporti i mbërritur nga SHBA-të.
Personi u prezantua se punon në agjencinë amerikane NASA, ndërsa policisë turke i ka raportuar se gazetari Khashoggi është dërguar në Kajro dhe atje është ekzekutuar.
Policia turke më tej thekson se të gjitha raportet janë marrë në përpunim.
Më tej në tekstin e raportit të policisë turke thuhet se një zyrtar hapi derën dhe mori Khashoggin në Konsullatë.
“Zyrtari i njëjtë i konsullatës nuk përcolli informacionin se para derës është duke pritur e fejuara e Khashoggit, Hatice Cengiz. Po ta bënte këtë, ndoshta nuk do të ndodhte vrasja e tij. Ekziston edhe një mundësi…Ndoshta Hatice Cengiz do të ishte viktima e dytë e vrasjes brutale”, theksohet në raport.
Të gjitha gjurmët e vrasjes brutale të gazetarit Khashoggi brenda konsullatës saudite janë pastruar me mjete kimike.
Ndër të tjera në raportin e policisë thuhet se anëtarët e ekipit të vrasjes së Khashoggit nga hoteli kishin valixhe dhe se në xhirimet e kamerave të survejimit shihet qartë se si gjatë hyrjes i mbajnë me lehtësi valixhet, kurse shihet se si me mund më të madh bartin të njëjtat gjatë daljes.
Në bazë të të gjitha informacioneve të deritashme, hetuesit turq edhe më tej pohojnë mundësinë e vrasjes brutale të Khashoggit, dhe më pas trupi i tij u copëtua dhe u dogj.
Promo
Reklamo këtuLufta Prigozhin - Putin
Më shumëNga Rubrika
Në rast të një lufte NATO-Rusi, admirali amerikan tregon se cila duhet të jetë lëvizja e parë e Aleancës
Tajlandezja kishte dhimbje dhe mezi merrte frymë – pas analizave shëndetësore, mjekët i nxorën diçka të tmerrshme nga hunda
Stormy Daniels si dëshmitare në gjykimin kundër Donald Trumpit – pesë gjërat që nuk diheshin rreth ‘miqësisë’ së tyre
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Stormy Daniels si dëshmitare në gjykimin kundër Donald Trumpit - pesë gjërat që nuk diheshin rreth 'miqësisë' së tyre
Biden tha se nuk ta furnizojë me armë Izraelin, Netanyahu: Nëse duhet të qëndrojmë vetëm, do të qëndrojmë
Gruaja braziliane u bë e famshme pasi vendosi ta lëshojë mjekrën - ajo ka një mesazh të fuqishëm për njerëzit
Kush është Stormy Daniels - aktorja e filmave porno që po dëshmon kundër Donald Trumpit
Arrestim i papritur dhe skandal korrupsioni: A po përçahet rrethi i ngushtë i Putinit?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër