Shkurtimi i video-materialeve nga ana e prokurorit të rastit, ka nxitur polemika në seancën gjyqësore për rastin e vrasjes së politikanit serb, Oliver Ivanoviq
Në shqyrtimin gjyqësor të së mërkurës, ishte parashikuar që të shfaqeshin video-materialet për rastin e vrasjes së Ivanoviqit.
Fillimisht kryetari i trupit gjykues Valon Kurtaj, lidhur me këtë çështje tha se gjykata kishte tentuar që të hapë këto video-incizime.
“Ne si gjykatë kemi tentuar që t’i hapim ato, po nuk kemi mujtë kështu që prokurorin e kemi angazhu që ai të merret me video-incizime, t’i sigurojë për seancën e sotme’’, theksoi ai.
Prokurori special i rastit, Burim Qerkini theksoi se kanë bërë përpjekje që këto video-incizime të vendosen në një format të lexueshëm dhe se kanë bërë ndarjen e sekuencave që janë relevante me rastin.
“Ne duke qenë se nga koha e kryerjes së veprës penale është një kohë e gjatë, më shumë se 5 vite, dhe CD-të që kanë qenë të gjitha, ka pasur prej tyre që nuk janë hapur dhe për këtë arsye, nga përfundimi i seancës së ditës së hënë jemi angazhuar që për shkak për ta pasur më lehtë pamjen e këtyre video-incizimeve, t’i qesim me një format që mund të lexohen, përveç kësaj shumë e rëndësishme, është që kemi bërë ndarjen e sekuencave për çka ne konsiderojmë se janë të rëndësishme”, theksoi ai.
“Materiali është më shumë se 463 GB, andaj i njëjti është zvogëluar në 63 GB dhe ato janë sekuenca shumë të rëndësishme për tu parë” , shtoi ai.
Lidhur me këtë, disa nga mbrojtësit e të akuzuarve nuk u pajtuan me faktin që prokuroria të bëjë seleksionim të sekuencave.
Avokati i të akuzuarit, Nedelko Spasejoviq, Faruk Korenica theksoi se ndarja e sekuencave në këto video-incizime nuk i takon prokurorisë, por trupit gjykues.
‘’Nuk mundem me e kuptu qëndrimin e tij që prokuroria ka ndarë ato vende nga video-materiali që është me rëndësi për këtë çështje penalo-juridike, kjo nuk është kompetencë e prokurorit. Çka është me rëndësi e çka nuk është më rëndësi e vërteton ky trup gjykues’’, theksoi ai.
Mbrojtësi i të akuzuarit Dragisha Markoviq, avokati mbrojtës Dejan Vasiq sqaroi se kanë kërkesë që të shikohen video që ndërlidhen me video-incizimin nga zyra e partisë së të ndjerit Oliver Ivanoviq.
Kurse, mbrojtësi i të akuzuarit, Marko Roshiq, avokati mbrojtës Mahmut Halimi theksoi se nga raportet policore nuk mund të vërehet që i mbrojturi i tij ta ketë përcjellur Ivanoviqin dhe nëse një fakt i tillë do të konfirmohet nga prokurori i çështjes, i njëjti nuk do të kërkoj që të shikohen këtë video-incizime.
Gjyqtari i çështjes, Valon Kurtaj deklaroi që për shkak të materialit voluminoz, ekipeve të mbrojtjes do t’i jepet kohë për shikimin e këtyre video-incizimeve dhe se ky material prej 61 GB do të iu dorëzohet të njëjtëve në një USB.
Gjykatësi Valon Kurtaj, po ashtu njoftoi se iu janë drejtuar Ministrisë së Drejtësisë lidhur me propozimin e aprovuar në seancën e 31 korrikut të mbrojtësit të të akuzuarit Rade Basara, avokatit Arbër Osmanaj.
Avokati mbrojtës, ka kërkuar që nga organet e Republikës së Kroacisë, përmes ndihmës juridike ndërkombëtare të sigurohej dokumentacioni me hyrje-daljet lidhur me të mbrojturin e tij që të konfirmohet se në datat prej 6 deri 21 janar 2018, ai kishte udhëtuar me veturën e tij në Kroaci.
Sipas aktakuzës, Marko Roshiq, Silvana Arsoviq, Nedelko Spasojeviq, Rade Basara, po akuzohen se si grup kriminal të udhëhequr nga Millan Radojiçiq dhe Zvonko Veselinoviq, kishin kontribuar në forma të ndryshme në vrasjen e Oliver Ivanoviqit.
Së fundmi për këtë rast është arrestuar Milan Mihajloviq i cili është i njohur me emrin “Popi”.
Në këtë rast akuzohen edhe dy zyrtarë policorë, Dragisha Markoviq dhe Zharko Jovanoviq, të cilët sipas Prokurorisë kishin manipuluar me prova të rastit.
Sipas aktakuzës, secili nga të lartcekurit në ditën kritike kanë kryer veprime konkrete, të cilat kanë dërguar deri te vrasja e Oliver Ivanoviqit.
Politikani serb i Kosovës, Oliver Ivanoviq, u vra më 16 janar të vitit 2018 para hyrjes së objektit të partisë së tij./Kallxo.com/
Lufta Prigozhin - Putin
Më shumëKosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Arrestohet i riu nga Klina, dyshohet se abuzoi seksualisht me një fëmijë - videon e publikoi në "TikTok"
Ahmeti, Siljanovskës: Ushtarët e UÇK-së kanë luftuar për liri, nuk kanë qenë dezertorë
Kadri Veseli e padit për shpifje deputetin e LVV-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri