Pogba ka vetëm 12 ditë në dispozicion për ta bindur Deschampsin

Paul Pogba ende nuk e ka bërë rikthimin e tij me skuadrën e Juventusit dhe koha po i mbaron francezit për të bindur Didier Deschamps që ta marr atë në Kupën e Botës në Katar.

Mesfushori 29-vjeçar u kthye te Bianconerët në verë si transferim i lirë, duke nënshkruar një kontratë katërvjeçare.

Ardhja e tij ishte shumë e pritur në Torino, por nuk pati një fillim të mirë pasi ai u lëndua menjëherë dhe u operua për një problem në gju.

Siç shkruan Calciomercato.com, Pogba rifilloi stërvitjen e pjesshme të skuadrës javën e kaluar, por ende nuk e ka arritur gjendjen e plotë, me Massimiliano Allegri që konfirmoi se ai nuk do të marrë pjesë në ndeshjen e radhës kundër Lecces.

Deschamps do të shpallë skuadrën e Francës për Kupën e Botës më 9 nëntor, duke i dhënë Pogba vetëm 12 ditë për të bindur trajnerin për ta marr me vete.

Ai është i dëshpëruar që të marr një thirrje dhe po punon shumë për të ndërtuar aftësinë e tij të ndeshjes.

Pogba nuk ka luajtur në një ndeshje zyrtare që nga 19 prilli dhe ndeshja e tij e fundit e plotë ishte më 12 mars. /Telegrafi/