Nga: Visar Zhiti
Jam goxha i sigurt se
kur për herë të parë
është takuar me njeriun
trëndafilit i kanë dalë
gjembat.
Shkruan poeti Xhevdet Bajraj dhe sa herë e lexoj këtë poezi befasuese, fërgëlloj së brendshmi. Shoh trëndafilin – metaforë e diçkaje qenësore të vetvetes, gjemba që nuk sulmojnë, por janë nën petalet e ndjenjave, duan të mbrojnë …
E gjithë poezia e Xhevdet Bajrajt kështu është, e tillë, një trëndafil që na zgjatet vazhdimisht, del nga librat e tij, por kaq bukur e shpërndan dhe gruaja e tij, Vjollca Bajraj …
Kam shkruar: Vërtet poeti Xhevdet Bajraj mbetet një luftëtar shpirtëror i fuqishëm, këtë mund të them që në fillim, që s’e duroi dot luftën ku tmerrshëm vriten njerëz dhe ëndrra dhe poezia e jetës … dhe iku nga Kosova e tij, larg, sa më larg, në Meksikë, me gruan dhe fëmijët, të shpëtonte jetën sa më shumë … duke mbartur gjuhën amë dhe frymë-Zi-min … ashtu si dhimbjet mbi shpinë dhe kujtimet që rëndojnë, rëndojnë … E pritën si poet në Meksiko-Siti dhe tani ai ka studentët e tij që e duan atje, lexuesit e shumtë të cilëve ua dha poezinë dhe në gjuhën spanjolle … miqtë … imazhet … hardhinë në prag … gotat me verë … sombrerot … macet … bibliotekat … kujtesa e tij është plot me Kosovë … Poezitë i lexohen dhe në rrugë, i janë kushtuar dhe koncerte të mëdha, konferenca, takime … po përkujtohet dhe në Kosovë, në vendlindje, atje veç datëlindjen i dinë, se ai është përherë poet i tyre…
Shoh si e ka gdhendur fjalën, ashtu si drurin, pak ashpër, por natyrshëm dhe sa dhemb, sa dhemb … si mishi i jetës … dhe sa dinjitoz është ai në dhembjen e tij … ndërkaq fjalë-urtë si malësorët, i madhërishëm së brendshmi … i kultivuar dhe me poezinë e madhe latine, evropiane ashtu si me eposin e popullit të tij dhe befas ashtu na u përshfaq: aq sa poet tradicional, po aq dhe modern, krejt i veçantë, i ëmbël do të thosha deri në hidhësi dhe i hidhur deri në ëmbëlsi, gdhendës i duruar dhe parak, e them sërish, gjithsesi antologjik.
E shfletoj me ëndje, larg dhe unë. Librat na i dha zonja e tij, doktoreshë Vjollca Bajraj, muza e tij, tani e përkushtuar pas poezisë së Xhevdetit, me mision përhapjen e tyre … si trëndafila gjaku …
Fjalë të tilla po i thoshim Vjollcës, teksa ajo na shkruante përkushtimin në librat e të shoqit – hija e saj është vetë vazhdim i asaj poezie. Ishim bashkë Eda ime dhe unë dhe miqtë tanë, Taip Bes Hiri dhe Xhabir Alili, kishim ardhur ta takonim në nderim të poezisë se Xhevdet Bajrajt. Shëtitëm rrugëve të Çikagos duke folur me adhurim për atë …
Duhej të ishte mes nesh … U bënë dy vjet sot që ka ikur … Mungesën e mbush po vetë – kam shkruar – me prani hyjnore, me atë poetiken …
Ndërkaq rrugëve u ndezën dritat si trëndafila të tij, petale gjaku vezullonin …
Promo
Reklamo këtuLufta Prigozhin - Putin
Më shumë104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Çfarë thonë sondazhet për Kamala Harris dhe çfarë për Donald Trump, dy javë para zgjedhjeve në SHBA?
Erdogan reagoi për herë të parë rreth vdekjes së Gulenit
Rusët i rrethuan dhe më pas filloi aksioni i ukrainasve: Ky ishte rrëfim për Hollywood
Lamine Yamal emëron idhullin e tij të futbollit dhe nuk është Lionel Messi
Ish-kryeministri italian: Si mund të jetë Shqipëria vend i sigurt për emigrantët kur tërheqin zvarrë ish-presidentin e tyre
Chelsea kërcënon lojtarin e tyre: Rinovo kontratën ose nuk luan deri në 2026