Pochettino merr lajm të madh, tre yjet e skuadrës kthehen për ndeshjen ndaj Arsenalit

Chelsea ka filluar të gjej formën më të mirë pas një starti katastrofal këtë edicion në Ligën Premier.

Për rezultatet negative ka ndikuar edhe kriza e lëndimeve që ka kapluar klubin londinez, pasi shumë yje janë lënduar para fillimit ose në fillim të edicionit.

Londinezët më në fund kanë filluar të ndjejnë pak lehtësim për krizën e tmerrshme të lëndimeve që ndikoi në planet e Mauricio Pochettino.

Lexo po ashtu Pochettino bind drejtuesit, tani transferimet nga Chelsea do të jenë ndryshe

Sipas Evening Standard, The Blues kanë marrë lajme të mira nga infermieria pasi tre mbrojtësit Reece James , Benoit Badiashile dhe Trevoh Chalobah janë pranë rikthimit.

Nëse gjithçka shkon mirë, të tre mbrojtësit mund të jenë në skuadër për të bërë rikthimet e tyre të mundshme kundër Arsenalit pas pushimit ndërkombëtar.

Lexo po ashtu Sulmuesi i Chelseat i nënshtrohet një operacioni gjatë pushimit me kombëtare

James, në veçanti, do të jetë një ndihmë e madhe për Mauricio Pochettinon me mbrojtësin anglez që pritet të luaj edhe titullar në derbin londinez.

Dy mbrojtësit e tjerë nuk kanë bërë ende një paraqitje këtë sezon, me Chalobah që ishte shumë pranë largimit në ditët e fundit të afatit kalimtar. /Telegrafi/