“Po na vendosin çipin”, Gjiko dhe Elita vaksinohen kundër COVID-19

Çifti i njohur i estradës, Gjiko dhe Elita Rudi, janë vaksinuar sot (e mërkurë) në qendrën e vaksinimit në sallën “1 Tetori” në Prishtinë.

Reperi dhe moderatorja e njohur kanë ndarë me fansat e tyre në rrjetet sociale, momentin e marrjes së vaksinës, me ç’rast kanë kontribuuar në ngritjen e vetëdijes që të gjithë duhet ta bëjnë një gjë të tillë.

I njohur për karakterin e tij satirik, Gjiko vendosi të publikojë për fansat e tij në InsatStory një video, përmes së cilës tregonte se Elita ka qenë insistuese për të mos marrë vaksinën në fillim.

Ai përdori teorinë e shumëpërfolur të “çipave”, që ishte aluduar në fillim të shpikjes së vaksinës, se ajo mund të ketë përmbajtje teknologjike dhe se ka qenë kjo arsyeja pse ndodhi pandemia.

Në videot e publikuara, Gjiko përdor shpesh termin “çip”, duke ironizuar me shaka se dyshes tashmë u janë vendosur çipat në trupat e tyre.

Çipat është një teori e rrëzuar poshtë nga shkenca dhe shtete e mëdha, duke e cilësuar si një thashethem pa bazë dhe thjeshtë paranojë e njerëzve të caktuar – pasi vaksina është e sigurt dhe deri më tani ka treguar rezultat.

Reperi Gjiko përndryshe është treguar mjaft aktiv gjatë kësaj vere me dy bashkëpunime shumë të suksesshme, njëri me Ermalin, dhe tjetri me Norën dhe Melindën – të cilat janë pritur mirë nga publiku. /Telegrafi/