Po e mbushte me derivate në portin e Italisë, anija shpërthen dhe nga detonimi hedh gruan në ujë – mrekullisht shpëtojnë të gjithë

Një grua është hedhur në ajër, kur anija që ishte në det shpërtheu derisa familja e saj ishin ndalur në port për ta mbushur me derivat.

Kamerat e sigurisë në portin Ponza të Italisë kanë kapur momentin e shpërthimit, ku nga detonimi i fuqishëm gruaja “fluturon” dhe përfundon në ujë, transmeton Telegrafi.

Për fat të mirë as punonjësit e pompës së derivateve, e as anëtarët e familjes që ishin në anije nuk janë lënduar në këtë shpërthim.

Videoja fillon duke shfaqur pompën e derivate dhe gruaja që po e mbushte anijen me derivat në portin e bukur të Italisë.

Dhe befasisht anija shpërthen dhe gruaja që qëndronte në këmbë, “fluturon” nga detonimi i fuqishëm dhe përfundon në ujë së bashku me një burrë që e shoqëronte.

Raportohet se gruaja, bashkëshorti i saj dhe vajza e dyshes që kanë kërcyer në ujë kanë shpëtuar pa ndonjë lëndim serioz. /Telegrafi/