Piloti i gjakosur ekuadorian ruan qetësinë pasi një zog gjigant përplaset me aeroplanit e tij

Në një video shihet piloti ekuadorian, Ariel Valiente duke ruajtur gjakftohtësinë pasi një zog u përplas me kabinën e tij.

Zogu shihet i varur para tij ndërsa mban shkopin përpara se të kthejë kamerën për të treguar fytyrën e tij të gjakosur, raporton nypost.

“Në Vinces, provincën Los Rios të Ekuadorit, një zog i madh goditi xhamin e përparmë të një aeroplani të vogël. Për fat të mirë, piloti Ariel Valiente arriti të kontrollojë situatën”, njoftoi gazeta e lajmeve të aviacionit FL360aero në Twitter.

In Vinces, Los Ríos province of Ecuador, a huge bird struck through the windshield of a crop duster plane mid-air. Fortunately, the pilot Ariel Valiente managed to control the situation.#aircraft #safety #aviation pic.twitter.com/73MeyIaw5s

— FL360aero (@fl360aero) June 14, 2023

Një instruktor fluturimi para pensionimit shkroi se “kur janë në një situatë stresuese, pilotët do të kthehen në gjënë e parë që mësuan. Kjo është arsyeja pse trajnimi fillestar është kaq i rëndësishëm”.

Pilotët mësohen t’i përmbahen rregullave, “drejtoni, navigoni, komunikoni” – fillimisht ta drejtoni aeroplanin, pastaj të navigoni dhe në fund të flisni me kontrollin e trafikut ajror.

Ishte e paqartë se çfarë lloj zogu ishte përfshirë në incidentin e frikshëm, por disa njerëz sugjeruan se mund të ketë qenë një Condor Andean, i cili mund të ketë një gjerësi krahësh deri në 2.7 metra. /Telegrafi/