LAJMI I FUNDIT:

Pija më e mirë anti-inflamatore për imunitetin dhe që ndihmon në humbjen e peshës

Pija më e mirë anti-inflamatore për imunitetin dhe që ndihmon në humbjen e peshës
(Foto: She Finds)

Një sistem i fortë imunitar dhe mbajtja e një peshe të shëndetshme, janë aspekte thelbësore të mirëqenies së përgjithshme.

Lidhja e ndërlikuar midis imunitetit dhe humbjes së peshës shpesh përfshin faktorë të tillë, si inflamacioni dhe stresi oksidativ. Pijet anti-inflamatore, të pasura me antioksidantë, janë shfaqur si aleatë të fuqishëm në mbështetjen e imunitetit dhe kontrollit të peshës.

Lëngu i karotës dhe xhenxhefilit shquhet si një eliksir i fuqishëm që mund të kontribuojë ndjeshëm në forcimin e imunitetit dhe humbjen e peshës. E mbushur me antioksidantë, kjo përzierje ofron një nxitje ushqyese që mbështet mbrojtjen e organizmit kundër sëmundjeve dhe inflamacioneve.

Për të pasur bark të sheshtë përfshini këto gjashtë ushqime në dietën tuaj
Lexo po ashtu Për të pasur bark të sheshtë përfshini këto gjashtë ushqime në dietën tuaj

Përveç versionit bazë të recetës, i cili përfshin karota të shtrydhura dhe xhenxhefil në një shtrydhëse frutash e perimesh, ka edhe versione me shtimin e agrumeve (limon dhe portokall) dhe mollë, të cilat gjithashtu kontribuojnë në forcimin e imunitetit.

Karota jo vetëm që përmirëson shikimin dhe është antikancerogjene, por e bën lëkurën të re dhe të shëndetshme. Është gjithashtu e mirë për zemrën, dhëmbët dhe mishrat e dhëmbëve, pastron trupin dhe mbron nga sulmet në zemër.

Pesë ushqimet që preferohet t’i përfshini në dietën tuaj
Lexo po ashtu Pesë ushqimet që preferohet t’i përfshini në dietën tuaj

Xhenxhefili përmban komponime bioaktive si xhingeroli, të cilat janë treguar se reduktojnë inflamacionin dhe përmirësojnë reagimin imunitar. Karotat dhe xhenxhefili janë gjithashtu plot me vitamina dhe minerale, sidomos vitaminat C dhe A. Vitamina C është veçanërisht e njohur për rritjen e imunitetit, ka aftësia për ta mbështetur mbrojtjen e organizmit kundër infeksioneve – është shprehur doktori Michael Green për She Finds. Xhenxhefili lehtëson problemet e lukthit dhe fryrjet, stimulon sekretimin e mukusit, lehtëson kollitjen dhe lehtëson dhimbjen e fytit. Ka veti antibakteriale, antifungale dhe antitoksike, prandaj përdoret si parandalues i gripit dhe ftohjes.

Gjithashtu ka një efekt antihistaminik dhe për këtë arsye përdoret te alergjitë, ka veti anti-inflamatore që e bëjnë të përdoret në trajtimin e artritit reumatoid, osteoartritit dhe sëmundjeve tjera muskuloskeletore dhe të indit lidhor. Përbërësit kimikë që përmban xhenxhefili janë të dobishëm në parandalimin e procesit të biosintezës së prostaglandinës, e cila është përgjegjëse për fillimin e inflamacionit. /Telegrafi/


Në trend Shëndetësi

Më shumë
Bima që e ndukim dhe e shkelim, duke menduar se është një barojë, në fakt ka vlera të shumta për shëndetin

Bima që e ndukim dhe e shkelim, duke menduar se është një barojë, në fakt ka vlera të shumta për shëndetin

Ushqim i shëndetshëm
Kalo në kategori