Piers Morgan reagon ndaj sulmit të Man Utd drejt Ronaldos dhe familjes Glazer që kërkojnë të shesin klubin

Gazetari anglez, Piers Morgan ka bërë dy reagime në rrjetet sociale për largimin e Cristiano Ronaldos nga Manchester United dhe familjes Glazer duke peshuar një shitje të mundshme të klubit nga Old Trafford.

Ronaldo, 37 vjeç, u ul me Morgan për një intervistë bombastike dhe nisi një sulm të ashpër ndaj pronarëve të Unitedit, trajnerit Erik ten Hag dhe ish-shokëve të tij të skuadrës.

Pesë herë fituesi i Topit të Artë, i cili përfaqëson Portugalinë në Kupën e Botës në Katar, shprehu pakënaqësinë e tij për trajtimin e tij në Old Trafford këtë sezon.

United njoftoi të martën se Ronaldo do të largohej nga klubi me “efekt të menjëhershëm” dhe e falënderoi atë për “kontributin e tij të jashtëzakonshëm”.

Cristiano Ronaldo is to leave Manchester United by mutual agreement, with immediate effect.

The club thanks him for his immense contribution across two spells at Old Trafford.#MUFC

— Manchester United (@ManUtd) November 22, 2022

Ronaldo theu heshtjen e tij jo shumë kohë pasi kontrata e tij me United u ndërpre reciprokisht, duke thënë se ai e do klubin dhe tifozët.

“Pas bisedimeve me Manchester United, kemi rënë dakord reciprokisht për të përfunduar kontratën tonë. Unë e dua Manchester Unitedin dhe i dua tifozët, kjo nuk do të ndryshojë kurrë. Ndihet si koha e duhur për të kërkuar një sfidë të re. I uroj Man Utd gjithë të mirat”, thuhet në deklaratën e portugezit.

Morgan fillimisht shkoi në Twitter pasi u ndërpre kontrata e Ronaldos me United dhe u dërgoi një postim të drejtpërdrejtë 8.1 milion ndjekësve të tij duke shkruar: “Fundi”.

The End. https://t.co/eriQydBR6u

— Piers Morgan (@piersmorgan) November 22, 2022

Megjithatë, gazetari anglez më vonë pohoi se intervista e tij shpërthyese me Ronaldon “e detyroi” familjen Glazer të rishqyrtonte pronësinë e tyre ndaj United.

“Intervista e Ronaldos i ka detyruar Glazers të shesin. E pabesueshme”, shkroi Morgan në Twitter.

Ronaldo’s interview has forced the Glazers to sell up. Incredible. 🔥🔥 https://t.co/eGnuUcYC2S

— Piers Morgan (@piersmorgan) November 22, 2022

Në postimin e tij në Twitter, Morgan ndau mendimet e Ronaldos për gjendjen e United që nga pensionimi i Sir Alex Ferguson në vitin 2013.

“Fjalët që duhet të përdorin tifozët e United janë ‘Faleminderit, Cristiano’”, shtoi Morgan.

United të martën në mbrëmje konfirmoi se Glazers po shqyrtonin “të gjitha alternativat strategjike” për Djajtë e Kuq, duke përfshirë një shitje të mundshme. /Telegrafi/

The words United fans should be using are ‘Thank you, Cristiano.’ pic.twitter.com/yVbaZ75uoq

— Piers Morgan (@piersmorgan) November 22, 2022