Një djalë pesëvjeçar shpëtoi mrekullisht kur u hodh nga një makinë në një aksident dhe më pas pothuajse u përplas nga një autobus.

Sipas medieve të huaja, përcjell Telegrafi, pamjet shokuese tregojnë momentin kur fëmija u hodh në rrugë derisa makina me të cilën po udhëtonte u ndesh me autobusin në Itatiba, Sao Paulo, Brazil.

Djali pastaj rrëshqiti përgjatë rrugës pranë autobusit, dhe shpëtoi mrekullisht pasi ekzistonte rreziku që të përfundonte nën rrotat e autobusit.

Pamjet nga kamerat e sigurisë nga qendra e qytetit kapën aksidentin dramatik që ndodhi më 12 tetor.

Siç shihet në videon e mëposhtme, nga njëri kënd, mund të vërehet se si autobusi po udhëtonte përpara dhe një makinë gri papritmas del nga ana e djathtë dhe përplaset me të.

Në ato momente, makina kryen disa rrotullime derisa autobusi vazhdon rrugës së tij. Por derisa makina kryen rrotullime një djalë bie nga automjeti dhe në ato moment rrezikon të përplaset me autobusin. /Telegrafi/