Pesë veturat më të kërkuara në Evropë (Foto)

Kërkesa e pesë veturave më të shitura në treguan evropian, nuk ka dallim në krahasim me një vit më parë, por ndryshojnë vetëm vendet e renditjes në listë.

Vendin e parë, si modeli më i shitur në Evropë, e mban për një kohë të gjatë Volkswagen Golf, transmeton Telegrafi.

Megjithëse shënoi rënie në vitin 2016, në kontinentin e vjetër mbetet vetura dukshëm më e kërkuar që qëndron larg konkurrentëve me 492.953 njësi të porositura.

Renault Clio, me rritje prej tre për qind, është ngritur në vendin e dytë me 315.115 njësi të shitura, derisa në vendin e tretë është Volkswagen Polo, që në vitin 2015 ishte i katërti me 308.562 njësi të shitura.

Prej vendit të dytë, Ford Fiesta ka rrëshqitur në të katërtin, pasi që gjatë këtij viti shiti 300.528 njësi.

Opel/Vauxall/Costa e përmbyll listën e pesë modeleve më të shitura në Evropë, me 264.844 kërkesa për një makinë të tillë.

Në këtë liste bie në sy më së shumti, se katër modele i përkasin segmentit “B”, që janë automobila të vegjël dhe për rrugë të shkurtra.

Sa i përket kërkesave tjera, Astra ka shënuar sukses të madh duke u ngritur nga pozita e 13-të në të gjashtën, pasi ka shitur 253.483 makina. /Telegrafi/