Policia e Kosovës ka siguruar informacione se në banesën e një personi (shtetas i Shqipërisë) të cilën e kishte me qira, gjenden pesë persona me shtetësi pakistaneze.
Sipas raportit 24 orësh të Policisë së Kosovës bëhet e ditur se rasti ka ndodhur të shtunën rreth orës 09:00, në Ferizaj.
Tutje siç thuhet në raport si rezultat i veprimeve policore në vendin e ngjarjes janë hasur personat si dhe gjatë kontrollit janë gjetur dhe sekuestruar gjashtë pasaporta dhe shtatë leje qëndrimi të Qipros, një letërnjoftim pakistanez, katër pasaporta të Bangladeshit, një pasaportë e Nepalit, një ID e Nepalit, një patent shofer i Pakistanit dhe një qelës veture.
“Viktimat janë dërguar në Qendrën e pritjes në Vranidoll, përderisa rasti vazhdon të hetohet nga njësitë relevante policore, në bashkëpunim dhe koordinim me organet e drejtësisë”, thuhet në raport.
