Në javën ndërkombëtare të njeriut me shkop të bardhë “Braille është mundësi, jo imagjinatë” u tha se të verbrit e Kosovës vazhdojnë të përballen me probleme të vjetra, për çka përfaqësues të institucioneve por edhe Shoqata e të verbërve po kërkojnë angazhim të përgjithshëm institucional.
Mungesa e zbatimit të Ligjit për të verbrit, mungesa në qasje, diskriminimi, janë disa nga sfidat e të verbërve në Kosovë e të cilat u theksuan sot në një konferencë për media të organizuar nga Shoqata e të verbërve të Kosovës dhe Zyra e Kryeministrit për nder të javës ndërkombëtare të njeriut me shkop të bardhë.
Zëvendëskryeministrja e Kosovës, Emilia Rexhepi tha se kanë zhvilluar një plan veprimi përmes së cilit synojnë të zgjidhin problemet dhe pengesat e personave me nevoja të veçanta.
Ajo theksoi se mbesin të përkushtuar për të bërë maksimumin për një shoqëri të barabartë ligjërisht.
“Gjithçka që ju shqetëson në lidhje me punësimin rreth transportit, në lidhje me procesin e arsimit ne do të përballemi me këto problem dhe ne do të përpiqemi të punojmë së bashku që t’i zgjidhim gradualisht këto sfida…
Si kryetare i Këshillit Kombëtar për Personat me aftësi të kufizuara do të jap maksimumin tim për ta bërë shoqërinë tonë të barabartë ligjërisht, do të jap maksimumin tim për të luftuar për të drejtat tuaja duke pasur parasysh se askush nuk ka të drejtë të prishë një jetë, pavarësisht se nga çfarë kategorie e shoqërisë vjen, gjithherë më llogaritni mike. Vetëm me përpjekje të përbashkëta mund të zgjidhim disa probleme dhe sfida”, tha ajo.
Drejtori i Zyrës për Qeverisje të Mirë në Zyrën e Kryeministrit, Habit Hajredini, tha se ndonëse është rregulluar infrastruktura ligjore, të verbrit ende ballafaqohen me sfida të ndryshme.
“Personat e verbër ballafaqohen me sfida të shumta si në aspektin e edukimit, punësimit, shëndetësisë, qasjes, diskriminimit në përgjithësi… Po i përmendi disa sfida që gërshetohen sektorët tonë institucionalë dhe që kërkon angazhim të përgjithshëm institucional për të marrë veprime konkrete, sidomos ajo që ka të bëjë me mungesën e ofrimit të shërbimeve specifike, mungesa e sintezës vokale në gjuhën shqipe, mungesa e pajisjeve tifo-didaktike… Mungesa e asistentëve në shkolla të rëndomta si dhe ajo që ka të bëjë me çështjen e rehabilitimit”, tha ai.
Edhe kryetari i Shoqatës të Verbërve të Kosovës, Daut Tishuki, tha se ende përballen me probleme të vjetra, teksa foli edhe për rëndësinë e javës së të verbërve.
Tishuki tha po ashtu se është mirë që Komisioni Qendror i Zgjedhjeve (KQZ) u ka bërë të mundur që të votojnë edhe personave të verbër, teksa kritika pati për Ministrinë e Arsimit, Shkencës dhe Teknologjisë, dhe për Ministrinë e Punës dhe Mirëqenies Sociale për të cilat tha se nuk ka siguruar pajisjet e nevojshme për ta.
Ai tha se i mbetet shoqatës dhe institucioneve të vendit që të angazhohen për ratifikimin e Konventës e OKB-së për të drejtat e personave me aftësi të kufizuara.
“Sfida kemi shumë e të arritura pak. Edhe ky vit, të verbrit e Kosovës i ka gjetur, edhe pse vit i pandemisë, me probleme të vjetra, me mungesë qasje, me mungesë të zbatimit të Ligjit për persona të verbër, por edhe me mungesë të ligjeve tjera që e rregullojnë punësimin, p.sh. Ligji për riaftësim të personave me aftësi të kufizuara dhe shumë sfida tjera.
Megjithëse gjatë këtij viti, kemi edhe rezultate, vërehet një përparim i vogël i cili në të ardhmen shpresojmë që do të rritet… Besoj që gjatë vitit 2022, nëse Konventa arrin të ratifikohet në Kuvendin e Kosovës, atëherë do të jem shumë i kënaqur, por kjo mbetet për tu parë. Na mbetet neve që me ndihmën e institucioneve të angazhohemi për një hap të tillë”, u shpreh ai.
Shënimi i javës ndërkombëtare të njeriut me shkop të bardhë vjen nga Rezoluta e Kongresit Amerikan në vitin 1964.
Kjo javë shënohet me qëllim që të verbrit të përmbledhin sfidat dhe arritjet gjatë vitit. /kp/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit