Tregim nga: Franz Kafka
Përktheu: Xhevat Lloshi (pjesë nga “Muri i madh kinez”)
Përpara drejtësisë qëndron një portier. Te ky portier vjen një njeri nga fshati dhe i kërkon ta lejojë të dalë përpara drejtësisë. Por, portieri i thotë se tani për tani nuk mund të lejonte. Ky burri u mendua dhe pastaj e pyeti, a mos do të thoshte kjo se do ta pranonin më vonë.
– Ka mundësi – iu përgjigj portieri,- por jo tashti.
Meqë porta që të çonte përpara drejtësisë ishte e hapur si gjithmonë dhe portieri qëndronte mënjanë, fshatari u përkul të shihte brenda nëpër portë. Kur e pa këtë portieri, qeshi e tha:
– Nëse kjo të josh, përpiqu të hysh pavarësisht nga ndalimi im. Por, mos harro: unë jam i fuqishëm. Gjithsesi, jam vetëm portieri më i ulët në gradë. Te sallat njëra pas tjetrës rrinë derëtarë të tjerë, secili më i fuqishëm se i parafundit. Vetëm pamja e të tretit është diçka që as unë nuk do ta duroja dot.
Fshatari nuk e kishte menduar se do t’i dilnin të tilla vështirësi: ai kishte menduar se drejtësia duhet të jetë i arritshme për të gjithë dhe në çfarëdo kohë: mirëpo, kur e vështroi më nga afër portierin veshur me gëzof, më një hundë të madhe me majë, me mjekër si të tartarëve, të zezë, të gjatë e të rrallë, mendoi se gjithsesi do të ishte më e mirë të priste derisa t’i dilte leja për të hyrë. Portieri i dha një stol dhe e la të ulej nga njëra anë e portës. Ndenji aty burri për ditë e për vite me radhë. Bënte gjithfarë përpjekjesh për ta lejuar dhe mërziste portierin me kërkesat e veta. Portieri shpesh i bënte një shqyrtim të vogël, e pyeste për shtëpinë e për shumë gjëra tjera, porse këto ishin pyetje pavetësore, ashtu siç i bëjnë funksionarët, e gjithmonë arrinte në përfundimin se nuk mund ta pranonte dhe përsëri ia thoshte. Fshatari, që ishte pajisur mirë për këtë udhëtim, përdorte gjithçka kishte me vete, sado e çmueshme të ishte, qe t’i jepte ryshfet portierit. Ky gjithmonë e pranonte diçka, por ndërsa e merrte ryshfetin, i thoshte:
– Po e pranoj që ti të mos kujtosh se nuk ke lënë gjë pa bërë.
Gjatë shumë vjetësh fshatari po e vëzhgonte portierin pothuaj pa ndërprerje. I harroi derëtarët e tjerë dhe ky i pari i dukej si e vetmja pengesë që ia zinte rrugën për të shkuar te e drejta. Mallkonte fatin, me zë të lartë e me tërbim në vitet e para: por më vonë, kur po plakej, thjesht mërmëriste me vete.
U bë si kalama dhe prej shqyrtimit të gjatë të portierit madje kishte zbuluar se e kishte plot me pleshta jakën e gëzofit, e kështu iu lut pleshtave që ta ndihmonin dhe t’ia prishnin mendjen portierit. Më në fund edhe shikimi nisi ta linte e nuk e dinte më, nëse vërtet po ngrysej rreth tij apo thjesht ishin sytë që po e gënjenin. Por, në të vërtetë përmes errësirës mund të shquante një rreze që vinte e etur nga dera e drejtësisë. Tashmë nuk i kishin mbetur shumë vjet jetë. Përpara vdekjes në mendje iu grumbulluan gjithë përvojat e viteve të gjata së bashku dhe përfituan një pyetje, që asnjëherë nuk ia kishte bërë më përpara portierit. Ia bëri me shenjë, sepse nuk mund ta ngrinte më trupin e vet që po shtangej. Portieri u detyrua të përkulej, sepse ndryshimi në lartësi ishte rritur mjaft jo në të mirë të fshatarit.
– E çfarë të ka mbetur pa marrë vesh?- e pyet portieri – qenke i pangopur.
– Sigurisht që cilido njeri lufton ta arrijë drejtësinë – i përgjigjet burri – por si ka ndodhur që gjatë gjithë këtyre viteve të shumta asnjë njeri, përveç meje, nuk ka kërkuar leje për t’u pranuar?
Portieri e pa që atij burri i kishte ardhur fundi dhe për ta dëgjuar veshët që po e linin, e ngriti zërin dhe i ulëriti:
– Askush tjetër askurrë nuk do të pranohej këtu, sepse kjo derë ishte caktuar vetëm për ty. E tashti unë po e mbyll.
Lufta Prigozhin - Putin
Më shumëKristo Frashëri dorëzoi letrën, ku për të thuhej: Po e drodhi bishtin, këputini një plumb pas qafe!
Historia e fisit Shala
Stili muzikor i qyteteve te Shqiperisë së mesme dhe të Kosovës
Përsëri, për gratë...
Letrat e vitit 1719 dhe brengat e sotme të jetës në Londër
Tito dhe Kërlezha nuk e donin Ivo Andriqin!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes