Përleshja në xhaminë Al-Aqsa – raportohet për dhjetëra të lënduar në Jerusalem

Të paktën 163 palestinezë dhe gjashtë oficerë policie izraelitë janë lënduar në përleshjet në Jerusalem, thanë mjekët palestinezë dhe policia izraelite.

Sipas BBC, përcjell Telegrafi, shumica u lënduan në xhaminë Al-Aqsa, ku policia izraelite gjuajti me plumba gome dhe granata trullosëse, derisa palestinezët hidhnin gurë dhe shishe.

Tensionet janë rritur në lidhje me dëbimin e mundshëm të palestinezëve nga toka e pretenduar nga kolonët hebrenj.

Kompleksi i xhamisë Al-Aqsa në qytetin e vjetër të Jerusalemit është një nga vendet më të respektuara të besimtarëve të islamit, por vendndodhja e tij është gjithashtu vendi më i shenjtë në judaizëm, i njohur si Mali i Tempullit.

Ky vend njihet për pikën e shpeshtë të dhunës, e cila u shpalos përsëri të premten në mbrëmje pasi mijëra ishin mbledhur atje për të vëzhguar të premten e fundit të muajit të shenjtë të Ramazanit.

Policia izraelite tha se ata kishin përdorur forcë “për të rivendosur rendin”, për shkak të “trazirave të mijëra adhuruesve” pas lutjeve të mbrëmjes. /Telegrafi/