Raporti gjashtëmujor i Sekretarit të Përgjithshëm të OKB-së Antonio Guterres për situatën në Kosovë po diskutohet në një takim të Këshillit të Sigurimit të OKB-së.

Reklama

Përfaqësuesi i Rusisë në Këshillin e Sigurimit ka thënë se Gërvalla nuk është mirë të mos bëjë analiza gjeopolitike.

“Kosova vazhdon të kërcënoj paqen në rajon. Që nga viti 1999 ka pasur një spastrim etnik ndaj popullatës serbe. Kanë qenë rreth 40 mijë serbe në Prishtinë, ndërsa sot nuk janë më shumë se 100”.

Ai thotë se Prishtina po vazhdon frikësimin e serbëve.

“Çështja e tabelave dhe letërnjoftimeve gati sa nuk ka sjellë gjakderdhje”.

Edhe në lidhje me kthimin e refugjatëve joshqiptarë në Kosovë, përfaqësuesi rus ka thënë se ka shumë ngecje.

Reklama

Ai ka përmendur edhe moszbatimin e marrëveshjes së Asociacionit duke akuzuar Brukselin për mos shtyrje të Kosovës në zbatimin e kësaj marrëveshje.

Reklama

“Ne jemi dëshmitarë se ushtria kosovare po formohet. Shumë shtete evropiane po ndihmojnë Kosovën me armatime. Ka përpjekje edhe për të përfshirë edhe Shqipërinë në mbrojtjen e përbashkët sikurse Rezoluta 1244 të mos ekzistonte”.

UNMIK-u është garantuesi më i madh i sigurisë në Kosovës sipas Rusisë./Telegrafi/