Përfaqësuesi në Dumën ruse: Kur ta zgjidhim me Ukrainën, do të vijmë të ndihmojmë Serbinë

Përfaqësuesi në Dumën Ruse, Anatoly Wasserman, një anëtar i partisë “Rusia e drejtë” që bashkëpunon me “Rusinë e Bashkuar” të Putinit, foli në televizionin rus për qëllimet e Kremlinit në luftë, si dhe në nivel global.

Në një pjesë të fjalimit ai ka përmendur Serbinë, transmeton Telegrafi.

“Është e rëndësishme të theksohet se Serbia nuk ka rrugëdalje. Ajo kufizohet ekskluzivisht me vendet anëtare të NATO-s. Në kushte të tilla NATO vazhdimisht kërcënon Serbinë duke forcuar bllokadën. Por kur të përfundojmë likuidimin e organizatës terroriste të Ukrainës dhe kështu të tregojmë se ne nuk do të tolerojmë terrorizmin në fusha të tjera… Dhe vetëm kur sponsori kryesor i terrorizmit në botë – SHBA – të kuptojë se nuk ia vlen të mbështetet terrorizmi në botë, vetëm atëherë do të jemi të gatshëm ta ndihmojmë Serbinë ta kalojë atë bllokadë”, tha Wasserman.

Lexo po ashtu Shkuan për të nxjerrë bashkëluftëtarët e plagosur në tankun e goditur nga artileria ukrainase, e pësojnë keq ushtarët rusë

Anton Gerashchenko, bashkëpunëtor i presidentit ukrainas Volodymyr Zelensky, postoi një regjistrim të deklaratës së politikanit rus në llogarinë e tij në Twitter.

Kujtojmë se nga fillimi i pushtimit rus në Ukrainë, Serbia është vendi i vetëm në Ballkan por edhe në Evropë, që nuk i ka vendosë Rusisë sanksione. /Telegrafi/

Anatoly Wasserman, Russian MP: Russia's main goal is the liquidation of Ukraine.

He is also concerned about Serbia being on a "blockade" by NATO countries and suggests Russians work on that after they are done with Ukraine. pic.twitter.com/7wmBBdEfPI

— Anton Gerashchenko (@Gerashchenko_en) April 24, 2023