Dhimbjet menstruale janë një dukuri e dhimbshme mujore që mund të jetë lodhëse për shumë persona.

Mjekët kanë konfirmuar se dhimbjet e menstruacioneve mund të jenë ‘pothuajse aq të këqija sa të kesh një sulm në zemër’. Për të lehtësuar dhimbjen që vjen me menstruacionet, njerëzit përsosin metodat e lehtësimit të dhimbjeve.

Së fundmi një grua ka ndarë trukun e saj ‘që ndryshon jetën’ për të lehtësuar dhimbjen e menstruacioneve. Përdoruesja e TikTok me emrin @lessiamac ndau hilen e saj në një video që është shikuar mbi 14 milion herë. Në të, ajo merr fundin e gomës së një lapsi dhe e masazhon rreth çarjes së sipërme të veshit. Ajo thotë që ta fërkoni atë pikë për rreth një minutë dhe të bëni të njëjtën gjë edhe në veshin tjetër.

@lessiamac

Idk how, but it really works!! Try this!! #reducepain #periodpain #menstrualcramps #reduce #lifehacks #bestlifehack #forwomenonly

♬ Ultimate life hacks – Kelly – The Life Bath

Shumë në komente e lavdëruan Lessia për metodën e saj dhe thanë se kjo ndihmon në lehtësimin e ngërçeve të tyre. “Në fakt e zvogëloi dhimbjen. Thjesht e provova”, shkroi një përdoruese. Por, të tjerët nuk ishin aq të gëzuar. “Unë mendoj se dhimbja ime e menstruacioneve është më e rëndë. Kjo nuk bëri asnjë ndryshim. Nuk ka shans”, shkroi një shikuese e zhgënjyer.

Për të parë nëse ka ndonjë provë mjekësore prapa kësaj hile, Metro ka kontaktuar Dr. Claudia Pastides. Ndërsa nuk është e sigurt për arsyetimin mjekësor, ajo beson se suksesi i herëpashershëm i kësaj metode mund të ketë lidhje me një formë antike të masazhit. “Supozoj se ka të bëjë me akupresurën”, shpjegon ajo. ‘Akupresura përdoret për trajtimin e dhimbjeve të menstruacioneve dhe ka disa studime që sugjerojnë se akupresura mund të jetë e dobishme – megjithëse pikat e presionit të përdorura nuk ishin në vesh”.

Ajo vëren se nëse funksionon, mund të vazhdoni ta përdorni metodën në një mënyrë të sigurt, por të qëndroni të kujdesshëm. “A mund të shkaktojë ndonjë dëm ndonjë laps kundër veshit tuaj të sipërm? Unë mendoj se nëse bëhet në mënyrë të ndjeshme, të butë dhe jo shumë shpesh – nuk ka gjasa të shkaktojë ndonjë dëm’, thotë Claudia.“Por mos e fut atë në vrimën e veshit tënd ose mos e humb gomën brenda. Mos harroni se kjo nuk është diçka që unë mund të gjej prova të mira për të mbështetur”.

Për të trajtuar në mënyrë efektive dhimbjen e menstruacioneve, Dr Pastides thotë se ka një numër rrugësh të besueshme për të ndjekur. “Kur bëhet fjalë për dhimbjen e menstruacioneve – aplikimi i nxehtësisë përmes shisheve të ujit të nxehtë dhe marrja e ilaçeve kundër dhimbjeve funksionon”, përfundon ajo. /Telegrafi/