Për herë të parë që nga viti 1997, Britania nuk importon më karburant nga Rusia

Britania e Madhe nuk importoi karburant nga Rusia në muajin qershor dhe kjo ishte hera e parë që prej vitit 1997.

Importet e mallrave nga Rusia ranë gjithashtu në 39 milionë euro në muajin qershor, niveli më i ulët që nga fillimi i regjistrimeve në janar 1997, tha Zyra për Statikën Kombëtare (ONS).

Vendet perëndimore kanë vendosur sanksione të rrepta ndaj Rusisë që kur ajo pushtoi Ukrainën në muajin shkurt, raporton bbc.

Lexo po ashtu Mbi 70 për qind e bar-lokaleve britanike nuk presin të mbijetojnë dimrin shkaku i shtrenjtimit të energjisë elektrike

Mbretëria e Bashkuar është zotuar të heqë gradualisht importet ruse të naftës deri në fund të vitit dhe importet e gazit sa më shpejt të jetë e mundur.

Importet e karburantit nga Rusia ranë me 599 milionë euro – ose 100 për qind – krahasuar me mesataren për 12 muajt e mëparshëm deri në shkurt.

Në vitin 2021, Britania e Madhe importoi rreth 4 për qind të gazit të saj nga Rusia dhe 11 për qind të naftës së saj, sipas Agjencisë Ndërkombëtare të Energjisë.

Eksportet e shumicës së mallrave në Rusi gjithashtu ishin ulur ndjeshëm deri në qershor, me shitjet e makinerive dhe pajisjeve të transportit u ulën me 91.3 për qind në 140 milionë euro

Në përgjithësi, eksportet drejt Rusisë ranë me pothuajse 70 për qind, në rreth 200 milionë euro, krahasuar me mesataren mujore në 12 muajt deri në shkurt.

Të vetmet produkte që patën një rritje të lehtë ishin kimikatet, të nxitura nga një rritje në eksportet e produkteve medicinale dhe farmaceutike, të cilat janë të përjashtuara nga sanksionet.

Lexo po ashtu Johnson sërish viziton Kievin, tregon armët e reja që Britania do t'i dërgojë në Ukrainë

ONS tha se përveç sanksioneve të përcaktuara nga qeveria, tregtia midis Rusisë dhe Britanisë së Madhe u pakësua pasi bizneset kërkuan vullnetarisht alternativa ndaj mallrave ruse.

Shifrat u publikuan ndërsa Ukraina shënoi ditën e saj të pavarësisë, saktësisht gjashtë muaj që nga fillimi i pushtimit rus.

Si rezultat i pushtimit të Rusisë, BE-ja ka thënë se do të shkurtojë importet e gazit nga Rusia me dy të tretat brenda një viti dhe gjithashtu ka rënë dakord të ndalojë të gjitha importet ruse të naftës që vijnë nga deti deri në fund të vitit.

Ndërkohë, SHBA ka vendosur një ndalim total për importet e naftës dhe gazit rus. /Telegrafi/