Pau Torres shihet si ideali për mbrojtjen, Real Madridi gati ta paguajë klauzolën për spanjollin

Real Madridi synon që të bëjë përforcime të mëdha për edicionin e ri.

Los Blancos për synim kanë që ta ripërtërijnë repartin e mbrojtjes, ku përveç Sergio Ramos, lojtarët tjerë nuk kanë bindur këtë vit.

Gjiganti spanjoll ka vënë objektiv vetës transferimin e qendërmbrojtësit të Villarealit, Pau Torres.

23-vjeçari po vlerësohet si njëri nga më të mirët në La Liga në pozitën e tij dhe është duke u kërkuar me ngulm nga Real Madridi.

Mediat spanjolle kanë raportuar se madrilenët janë të gatshëm ta paguajnë klauzolën e Torresit për ta transferuar atë në Santiago Bernabeu.

34 herë kampioni i Spanjës ka gati shumën prej 50 milionë euro për ta paguar klauzolën e lojtarit.

Por trajneri Zidane nuk e do afrimin e Pau Torres në janar, por dëshiron që ta ketë në skuadër për edicionin e ri 2021/22.

Reprezentuesi spanjoll këtë edicion ka zhvilluar 17 ndeshje për Villarealin ku ka shkëlqyer në repartin defensivë e ka shënuar edhe dy gola.

Në garë për të është edhe skuadra e madhe angleze Arsenal. /Telegrafi/