Largon edhe njollat dhe papastërtitë më kokëforta

Gëlqere, njolla të verdha dhe papastërti ngjiten vazhdimisht në vaskë dhe shkaktojnë shumë telashe.

Ka shumë produkte pastrimi në treg dhe është e vështirë të kuptosh se çfarë është më e mira për vaskën dhe cilat produkte mund ta dëmtojnë atë, transmeton Telegrafi.

Për fat të mirë, ekziston një mjet i fuqishëm që do t’ju ndihmojë të hiqni edhe papastërtitë më kokëforta nga vaska.

Gjithçka që ju nevojitet për një vaskë të pastër është grejpfruti dhe kripa.

Vendoseni grejpfrutin në mikrovalë për 20 sekonda dhe më pas rrotullojeni në tavolinën e punës në kuzhinë me një leckë.

Lëshojeni ujin e nxehtë në vaskë dhe sigurohuni që edhe muret të jenë të lagështa.

Lyejeni vaskën me kripë, më pas përgjysmoni grejpfrutin dhe spërkatni me një lugë gjelle kripë.

Fërkoni vaskën me agrume të kripura

Do të shihni shpejt se si papastërtia reagon ndaj acidit nga grejpfruti, si dhe ndaj kripës.

Avantazhi i këtij pastruesi natyral të vaskës qëndron edhe në faktin se do të ndieni aromën e hollë të frutave dhe nuk do të thithni kimikate.

/Telegrafi/