Pasi dëgjuan të qarat në një apartament, policia bëri një veprim që ka prekur të gjithë!

Policia e Romës ka marrë një telefonatë, ku është njoftuar se po dëgjoheshin të qara pranë një blloku apartamentesh në një lagje të Romës.

Duke ditur se Roma është një vatër e nxehtë e mafias, 4 policë kanë shkuar menjëherë dhe kanë trokitur tek apartamenti ku ishin dëgjuar të qarat ulëritëse.

Fillimisht kanë menduar se ka ndodhur ndonjë krim, por ata gjetën një çift të moshuar, gruaja 84 vjeçe dhe burri 94 vjeç, të cilët po qanin në divan.

Policia i ka pyetur nëse janë plaçkitur apo dhunuar nga dikush, por ata kanë mohuar një gjë të tillë.

Policët janë ulur duke biseduar me çiftin e moshuar dhe gjatë bisedës çifti ka treguar se ata ishin duke parë televizor, kur gruaja i ka thënë bashkëshortit se përse kjo botë është bërë kaq mizore dhe indiferente, përcjell Tema.

Pastaj ka filluar të qante.

Gjithashtu ata treguan se kishin vite që nuk ishin vizituar nga dikush.

Policët treguan se gjendja në shtëpi dukej shumë e mjerueshme.

Dukshëm ata nuk kishin pasur prej kohësh një vakt të mjaftueshëm për të ngrënë.

Gjatë kësaj kohë njëri nga policët ka pyetur çiftin nëse mund të gatuante për ata dhe ka gatuar makarona me parmexhano.

Gatimi ka qenë modest, por gjesti i policëve është për të na kujtuar se sa e rëndësishme është që të vizitojmë gjyshërit tanë.

Policët ndenjën gjithë ditën duke biseduar me të moshuarit.

Kjo ngjarje është publikuar në Facebook nga stacioni i policisë dhe shpërndarë mijëra herë.