Pas vendimit të PZAP-së për të anuluar votat e Komunës së Dragashit, LDK ka dërguar sot në Gjykatën Supreme ankesë kundër këtij vendimi.
“PZAP dje morri vendim të paprecedentë në sistemin zgjedhor të Kosovës, tre gjyqtarë të PZAP-së kanë anuluar të gjitha votat e mërgatës, pa kontaktuar, pa verifikuar e pa kërkuar të vërtetën në Dragash”, deklaroi në një konferencë për media zëdhënësja e LDK-së Sibel Halimi.
Ajo thotë se të njëjtat vota ishin certifikuar dhe marrë parasysh në raundin e parë të zgjedhjeve, përcjell Telegrafi.
“Ato vota ishin verifikuar hapur, numëruar e pranuar sit ë rregullta nga KQZ edhe në raundin e dytë. Kjo është një përpjekje antidemokratike për përmbysje të rezultatit zgjedhor në tavolinë”.
Halimi thotë se LDK ka dorëzuar në Supreme mbi 200 dëshmi të votuesve të Dragashit në mërgatë për raundin e dytë.
“LDK beson se sistemi zgjedhor në Kosovë do të mbrohet nga Gjykata Supreme, vullneti vota e çdo qytetari do të mbrohen me dinjitet. LDK veprimin e tre gjyqtarëve të PZAP-së do t’i adresojë edhe te misionet ndërkombëtare për monitorim të zgjedhjeve si sulm i paprecedentë ndaj procesit zgjedhor”.
LDK thotë se qytetarët e Dragashit duhet të jenë të qetë pasi sipas saj askush nuk do të mund të ndryshojë rezultatin e zgjedhjeve lokale në Kosovë.
Derisa kandidati i LDK-së në Dragash, Behxhet Xheladini, ka treguar më shumë detaje lidhur me ankesën që kanë dorëzuar në Gjykatën Supreme pas vendimit të PZAP-së për anulimin e votave nga diaspora.
Ai, në një konferencë për media, tha se vendimi i PZAP-së ishte skandaloz, derisa insiston se procesi i votimit nga diaspora ka qenë i pastër si loti.
“Bashkë me ekspertët e LDK-së kemi përgatitur ankesën të cilën e kemi dorëzuar para pak çastesh në Gjykatën Supreme. Kjo ankesë vjen pas vendimit të PZAP-së për anulimin e votave nga diaspora. Kësaj ankese ia kemi bashkangjitur të gjitha provat që vërtetojnë se procesi zgjedhor nga ana e mërgatës tonë ka qenë plotësisht i rregullt dhe i pastër si loti. Kemi përgatitur një dosje shumë të gjerë me të cilën do të dëshmojmë para Gjykatës Supreme se vendimi i PZAP-së nuk ka qenë i drejtë dhe ka qenë skandaloz, për shkak se mua më është marrë fitorja në tavolinë”.
Xheladini ka deklaruar se ankesës në Supreme ia kanë bashkangjitur edhe 200 deklarata të votuesve nga mërgata, derisa u shpreh i bindur se Supremja do të vendosë në favor të tij.
“Ne kësaj ankese, përveç tjerash, ia kemi bashkangjitur edhe rreth 200 deklarata të votuesve tanë të mërgatës të cilët pas këtij vendimi kanë qenë jashtëzakonisht të shqetësuar dhe për shkak të pamundësisë që të vijnë këtu, për shkak të kohës së shkurtër, që të vijnë dhe të dëshmojnë pastërtinë e votës së tyre përmes rrjeteve sociale kanë dërguar deklarata të shkruara me dorë. Të gjitha këto deklarata bashkë me listën e personave që janë regjistruar suksesshëm ia kemi dorëzuar Gjykatës Supreme. Jemi të bindur se Gjykata Supreme brenda afatit ligjor prej 72 orësh do të më shpallë kryetar të ardhshëm të Komunës së Dragashit”, tha Xheladini./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë