LAJMI I FUNDIT:

Pas sulmit flet Frashër Krasniqi, thotë se ka paraqitur rastin në polici

Pas sulmit flet Frashër Krasniqi, thotë se ka paraqitur rastin në polici

Ish deputeti i Partisë Social Demokrate (PSD), Frashër Krasniqi ka reaguar për sulmin fizik që ia bëri atij, ish kandidati për deputetë i LVV-së, Albin Gashi.

Në një postim në rrjetin social Facebook, Krasniqi fillimisht ka thënë se i vjen keq për një sulm fizik që ai ia kishte bërë Milaim Zekës, ndërsa e ka quajtur sulmin ndaj tij si një shenjë se ky pushtet ka filluar të sulmojë ata që mendojnë ndryshe.

Krasniqi ka thënë se Albin Gashit nuk ia ka kthyer me të njëjtën, pasi thotë se është i bindur se dhuna nuk është sjellje e pranueshme politike e sociale.

“Para 3 vitesh, në një situatë afeksioni unë vetë e kam sulmuar fizikisht një bashkëbisedues në debat politik. Menjëherë pas atij rasti pata folur dhe shprehur keqardhje. Sepse nuk besoj në dhunën fizike si mjet për asnjë qëllim politik dhe të çfarëdo llojit tjetër. Sot e asaj dite ndjej keqardhje dhe turp sa herë që dikush ma përmend atë rast. Sepse sot e asaj dite nuk besoj që dhuna fizike është sjellje e pranueshme politike e sociale.U sulmova fizikisht nga Albin Gashi, kandidat i VV-së për deputet, dhe djali i avokatit Tomë Gashi, dhe nuk ia ktheva. Sepse sulmin që e pata bërë në afekt në debat televiziv, u pata zotuar që nuk do ta përsëris asnjëherë”.

“Para 3 vitesh, sapo isha liruar nga arresti shtëpiak 1 vjeçar, për një rast të montuar politikisht dhe të pabazuar në asnjë provë. Dhe kur në emisionin në Klan Kosova, vazhduan akuzat krejt të pabaza nga bashkëbiseduesi im në debat, në situatë afekti e pata sulmuar. Kjo ishte gjendja ime. Më patën nxjerrë nga takti akuzat e shpifjet e vazhdueshme që na e kishin bërë jetën shumë të rëndë për 1 vjet rresht”.

Tomë Gashi flet pas lajmit se djali i tij ka sulmuar fizikisht Frashër Krasniqin
Lexo po ashtu Tomë Gashi flet pas lajmit se djali i tij ka sulmuar fizikisht Frashër Krasniqin

“Cila ishte gjendja e Albin Gashit, kandidatit të VV-së kur më sulmoi mua?! Ishte gjendja e pushtetit që në debat para pak ditësh i kishte hunbur argumentet. Pas humbjes së debatit televiziv nga Tomë Gashi, nuk iu mjaftuan fyerjet dhe ofendimet e ulëta ndaj Nol Nushit dhe Teutë Rrustës. Sepse pushtetit që ska argumente, forca i bëhet argumenti kryesor. Pozita e Albin Gashit kur më sulmoi ishte ajo e militantit partia e të cilit është në pushtet dhe partia e të cilit linqon njerëz që s’pajtohen me të, i kërcënon e i shantazhon, dhe në fund e merr të drejtën, prej pozitës së pushtetit, që t’i sulmojë edhe fizikisht në rrugë”.

PSD: Frashër Krasniqi është sulmuar fizikisht nga djali i Tomë Gashit
Lexo po ashtu PSD: Frashër Krasniqi është sulmuar fizikisht nga djali i Tomë Gashit

“Sot, po e kuptoj hala më qartë, se çfarë rreziku po i kanoset Kosovës. Në emër të luftës ndaj krimit e korrupsionit, po na vjen autokracia. Në emër të ndryshimit, po na vjen shtypja e mendimit ndryshe. Veçse bashkë me çdo shtypje vjen edhe rezistenca. Këtë e di VV-ja dhe e Qeveria Kurti më mirë se gjithkush tjetër. E rezistenca vazhdon… Rastin e paraqita në polici, ani pse s’besoj në ndonjë rezultat”, ka shkruar Krasniqi.

Ditë më parë, Tomë Gashi e fyeu rëndë zyrtarin tjetër të PSD-së, Nol Nushin në një debat në RTK. Gashi e pyeste Nushin se: ‘A i ka ga nanës apo motrës?’. Kjo kishte bërë që Nushi ta gjuaj me ujë pas debatit. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori