Ambasadori amerikan në Serbi, Christopher Hill në fillim të këtij muaji ka publikuar në rrjetet sociale një video për “vlerat perëndimore”, në të cilën shfaqet kryeministrja e Serbisë, Ana Brnabiq, ambasadori serb në SHBA, Marko Gjuriq dhe pronari i TV Pink, Zheljko Mitroviq.
Videoja shkaktoi reagime të shumta në opinion, por edhe në rrjetet sociale, ndërsa reagimet më të shpeshta ishin “si mundet që pushtetarët dhe promotorët e propagandës ruse, siç është etiketuar Mitroviqi në komente të shumta, të jenë promotorë i vlerave perëndimore në Serbi?”
Për këtë arsye mediumi nova.rs i dërgoi pyetje ambasadorit amerikan, të cilave ai iu përgjigj me një tekst.
I agree: Serbia’s future is in the west. pic.twitter.com/CVjT11zSoe
— Ambassador Christopher R. Hill (@usambserbia) August 1, 2023
“Serbia është përballur me një zgjedhje brezash: nëse do të integrohet plotësisht dhe do të zhvillohet si një anëtar i barabartë i komunitetit evropian, apo do të lejojë një diktator të tërbuar me iluzionet e madhështisë perandorake nga Moska që të vazhdojë ta mbajë atë prapa, duke u paraqitur si një forcë balancuese – sikur duhet të ketë ekuilibër midis zgjedhjeve të drejta dhe të gabuara. Për Serbinë, është një mundësi për të siguruar më në fund vendin e saj të merituar në Evropë dhe për të shijuar përfitimet që sjell, ndërsa Rusia ofron vetëm varësi ekonomike dhe tradhti ndaj vlerave themelore njerëzore që të gjithë i ndajmë”, tha ai.
“Për shkak se ajo zgjedhje është shumë e rëndësishme dhe sepse më intereson përparimi i Serbisë, mendoj se çështja e orientimit perëndimor të Serbisë shkon përtej politikës. Lëvizja pro-evropiane në Serbi duhet të jetë një lëvizje e “çadrës së madhe”, siç themi ne në Amerikë. Duhet të ketë vend për gjithçka. Kur dëgjoj se kushdo në Serbi – veçanërisht ata që tërheqin një audiencë të madhe, dhe veçanërisht nëse ajo audiencë është e pavendosur – thotë se Serbia është një vend perëndimor dhe se prosperiteti i saj i ardhshëm varet nga integrimi më i thellë euro-atlantik, mendoj se ky është një mesazh që ia vlen të përsëritet”, shtoi ambasadori.
“Nuk më takon mua si diplomat i huaj të merrem me politikën e brendshme të Serbisë. Jam këtu për të biseduar me të gjithë: përfaqësues të Qeverisë, opozitës, mediave dhe publikut. Gjithashtu nuk më takon mua të vë në dyshim sinqeritetin e askujt. Kur dikush thotë se Serbia është një vend perëndimor, se avantazhet e atij orientimi tani janë të prekshme dhe se e ardhmja më e mirë e saj është në Evropë, ky është një mesazh me të cilin do të pajtohem gjithmonë dhe do të vazhdoj ta përhap atë aq sa mund. Unë do të punoj me të gjithë në Serbi që janë të përkushtuar për ta bërë realitet atë vizion të së ardhmes. Aksionet janë thjesht shumë të larta për të përjashtuar këdo që flet me një zë të qartë për çështjen më të rëndësishme të kohës sonë”, thuhej në përgjigje. /Telegrafi/
Lufta Prigozhin - Putin
Më shumëNga Rubrika
U keqkuptuan rreth tarifës, turisti britanik rrah taksistin tajlandez – policia në kërkim të sulmuesit
Zelensky mban një seri takimesh për të prishur planet ruse
Pasojat e tornadove në SHBA, kamioni rrokulliset nga erërat e forta – për pak sa nuk përplaset direkt me një veturë
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Rikthimi i Vulinit në qeverinë e Serbisë, analistët në Beograd: Provokim i drejtpërdrejtë ndaj SHBA-së
Ukrainasit shkatërrojnë dy sisteme të mbrojtjes kundërajrore të rusëve – i goditën me dronët kamikaz
Problemi i karburantit i Putinit, si Ukraina po ia pakëson naftën dhe benzinën e Rusisë?
Rusia humb kontrollin e ishullit kyç
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri