Pas Shqipërisë, Dua Lipa mbërrin me të dashurin në Ibiza teksa fotografohet duke pirë një cigare

Dua Lipa u relaksua me të dashurin e saj të ri Romain Gavras në Ibiza të Spanjës të shtunën.

Ylli i muzikës pop, 27 vjeçe, tymosi një cigare ndërsa kalonte kohë me të dashurin e rij 42 vjeçar dhe motrën e saj Rina, 22 vjeçe, dhe vëllain Gjin, 17 vjeç, shkruan DailyMail.

Dua tregoi ndjenjën e saj unike të stilit e veshur me një palë pantallona të shkurtra me material xhins të gjata deri tek gjuri, të kombinuara me një xhaketë të bardhë me rripa.

Interpretuesja e hitit “New Rules” e kompletoi veshjen e saj me një palë taka me ngjyrë portokalli, ndërsa mbante gjërat e saj në një çantë.

Lexo po ashtu Dua Lipa e merr të dashurin e ri Romain Gavras me vete në Shqipëri

Romain ishte veshur tërësisht në të zezë, me veshjen e cila ishte e përbërë nga një bluzë, xhinse dhe kapele bejsbolli, ndërsa mbronte sytë me një palë syze të errëta dielli.

Dua ka shijuar një udhëtim romantik të largët me Romainin, i cili është djali i kineastit greko-francez Costa-Gavras, i njohur për thrillerin e errët politik dhe komik “Z”.

Ku udhëtim i tyre vjen pak kohë pasi u zbulua se producenti muzikor Bosko Kante ka ndërmarrë veprime ligjore kundër saj për përdorimin e një materiali muzikor në këngën e saj hit, “Levitating”.

Aksioni ligjor u ngrit në Los Angeles të hënën me Kanten që beson se ai ka të drejtë për më shumë se 20 milionë dollarë fitim nga suksesi i këngës “Levitating”.

Lexo po ashtu Dua Lipa publikon video duke kërcyer valle tradicionale me familjarët në Sarandë

Sipas Reuters, veprimi pretendon se Dua kishte leje të përdorte kutinë e bisedave në regjistrimin e saj origjinal, por jo në ndonjë remiks.

Ai gjithashtu pretendon se Dua e përdori përsëri regjistrimin pa leje në publikimet e ardhshme, duke përfshirë remiksin e “The Blessed Madonna” dhe një performancë që ajo dha në eventin e ndarjes së çmimeve, American Music Awards.

Bosko thotë se ai krijoi ‘ElectroSpit Talk Box’, një pajisje e veshur rreth qafës që mund t’i kthejë dridhjet vokale në zhurma të ngjashme me instrumentet.

Billboard raporton se avokatët e Boskos thonë se producenti ka bërë ‘përpjekje të shumta’ për të zgjidhur pretendimin, për të cilin ata thonë se është një ‘shkelje e hapur’ e të drejtës së tij të autorit.

Avokatët e tij shtuan se producenti ndërmori veprime ligjore sepse Dua tregoi ‘mosgatishmëri për të bashkëpunuar ose pranuar përgjegjësi’.

Nuk është hera e parë që Dua përballet me veprime ligjore për hitin “Levitating”, që njëherësh është një nga këngët e saj më të njohura. /Telegrafi/