Pas një sulmi në zemër, ndahet nga jeta babai i Emiliano Sala

Pas sulmuesit argjentinas Emiliano Sala, vdekjen e ka gjetur edhe babai i tij, Horacio Sala, i cili ka ndërruar jetë gjatë ditës së sotme.

Tjetër tragjedi në familjen e Emiliano Salas, futbollistit argjentinas që humbi jetën në kanalin e La Mans, teksa po udhëtonte me një avion drejt Britanisë, për t’iu bashkuar Cardiff City-t, skuadrës me të cilën sapo kishte nënshkruar.

Lexo po ashtu Të gjitha lajmet rreth Emiliano Sala

Tre muaj nga kjo tragjedi, ndahet nga jeta edhe babai i tij, Horacio Sala për shkak të një sulmi në zemër.

Ai u gjet pa ndjenja dhe në gjendje shumë të rëndë në orët e para të mëngjesit nga bashkëshortja dhe vajza e tij, kështu që ndërhyrja e mjekëve për ta mbajtur në jetë rezultoi e kot.

58-vjeçari, një shofer kamionësh, e vuajti shumë aksidentin që i mori jetën të birit, çka dhe solli vdekjen e tij të parakohshme.

😔 Emiliano Sala's father, Horacio, has suddenly died of a heart attack 3 months after his son was tragically killed in a plane crash.

🙏 Our thoughts are with the Sala family at this time. pic.twitter.com/YNOlIjic88

— SPORF (@Sporf) April 26, 2019