Pas lirimit nga spitali, gjyqtari turk zbulon për herë të parë se kush e nxiti presidentin e Ankaragucu ta godiste me grushte dhe shqelma
Gjyqtari turk Halil Umut Meler, i cili u sulmua nga presidenti i Ankaragucu, Faruk Koca pas ndeshjes ndaj Rizesporit, ka folur për herë të parë për mediat pasi ka kaluar një përvojë të pakëndshme.
Në një intervistë për Hürriyet, ai u përpoq të shpjegonte se çfarë ka ndodhur saktësisht në fushë. Ai pretendon se ngjarjet e ndodhura në ndeshjen Ankaragucu-Rizespor nisën me provokimin e trajnerit të vendasve dhe lojtarit legjendar të kombëtares Emre Belozoglu.
“Në fakt, kjo duhet shpjeguar që në fillim. Ishte një ndeshje normale, shumë e mirë. Tensionet ishin të pranishme, por referimi nuk ishte i keq. Nuk pati probleme të mëdha as me tribunat. Në kohën e pushimit u shënua gol dhe ndeshja përfundoi 1:1. Nuk pati protesta të lojtarëve, sepse nuk kishte pozicion të kontestuar para golit”, deklaroi Meler, i cili më pas shpjegoi sulmin.
“Pas ndeshjes, pas fishkëllimës, lojtarët erdhën për të falënderuar dhe uruar. Dhe kjo tashmë ishte e dukshme në ekranet televizive. Ndërkohë, pashë duart e Emre Belozoglu duke protestuar. Pikërisht kur u fokusuam në atë që po ndodhte, presidenti Koca me ka goditur nga krahu i majte nuk e di a me kujtohet çfarë ka ndodhur me pas sepse jam goditur dhe jam shtrire ne tokë. Këtë nuk e kane pritur as policia as përfaqësuesit. Një situatë e papritur sepse aty nuk ishte asgjë për të treguar incidentin që mund të ndodhte. Ishte trajneri që provokoi këtë situatë. Nuk ishte askush tjetër veç ai”, shtoi Meler.
Kur u pyet vazhdimisht nëse Emre Belozoglu shkaktoi trazirat, Meler u përgjigj përsëri pozitivisht: “Po, kjo është diçka që është e dukshme. Le të thotë gjatë ndeshjes: ‘E bëre këtë gabim, për ty pësova gol”.
“Por, klubi Ankaragcu dhe tifozët nuk kanë lidhje me të. Ndoshta ai ka planifikuar paraprakisht, sepse e dini, ai ka pasur mosmarrëveshje personale me mua që nga viti 2018. Mendoj se ky mendim personal vazhdon edhe tani”, shpjegoi ai.
Meler pretendon se Emre Belozoglu ishte duke qeshur kur Koca e goditi dhe tha se Faruk Koca nuk do ta falë kurrë atë që i bëri.
“Këtë e them konkretisht, nuk do t’i fal as ata që e shkaktuan, as ata që e bënë”, thotë Meler.
Arbitri turk tregoi se nuk e kishte parë kurrë videon e incidentit dhe se nuk do ta bënte këtë.
Kujtojmë se Federata Turke e Futbollit ka marrë një vendim të shprehur për suspendimin e përjetshëm të Kocës, i cili do të duhet të paguajë një gjobë prej 63.000 euro.
Gjithashtu, Ankaragucu do t’i luajë pesë ndeshjet e ardhshme në shtëpi para tribunave të zbrazëta. /Telegrafi/
Lufta Prigozhin - Putin
Më shumëNga Rubrika
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
A di të ndalet ky Ronaldo? Çfarë goli me këmbën e majtë
Pse Real Madridi dhe Barcelona mund të përjashtohen nga Liga e Kampionëve
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Hazard më në fund i kundërpërgjigjet Kroosit për deklaratën goditëse rreth formës së belgut te Real Madridi
Njihuni me bukuroshet shqiptare që morën vëmendjen e të gjithëve në Allianz Arena
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës