Pas mizorive në Bucha, Johnson: Edhe më shumë dëshmi se Putini po kryen krime lufte në Ukrainë

Boris Johnson ka thënë se “sulmet e neveritshme të Rusisë kundër civilëve të pafajshëm në Irpin dhe Bucha” janë “edhe më shumë dëshmi se Putini dhe ushtria e tij po kryejnë krime lufte në Ukrainë”.

Kryeministri i Mbretërisë së Bashkuar u zotua se do ta “dërgojë drejt ngordhjes” atë që e quajti “makina e luftës” e Vladimir Putin, duke shtuar se pushtimi i tij po “dështon”.

Johnson tha se “Asnjë mohim apo dezinformim nga Kremlini nuk mund të fshehë atë që ne të gjithë e dimë se është e vërteta – Putini është i dëshpëruar, pushtimi i tij po dështon dhe vendosmëria e Ukrainës nuk ka qenë kurrë më e fortë, raporton skynews.

Lexo po ashtu Gjithçka rreth agresionit rus në Ukrainë

“Unë do të bëj gjithçka në fuqinë time për të ngordhur makinerinë e luftës së Putinit. Ne po shtojmë sanksionet dhe mbështetjen tonë ushtarake, si dhe po forcojmë paketën tonë të mbështetjes humanitare për të ndihmuar ata që kanë nevojë në terren”, pohoi ai.

“Mbretëria e Bashkuar ka qenë në ballë të mbështetjes së hetimit të Gjykatës Penale Ndërkombëtare për mizoritë e kryera në Ukrainë. Sekretari i drejtësisë ka autorizuar mbështetje financiare shtesë dhe vendosjen e hetuesve specialistë – ne nuk do të pushojmë derisa drejtësia të vihet në vend”, tha kryeministri britanik. /Telegrafi/