Pas katër vjetësh, lidhja kalon në rutinë

Te shumica e çifteve bashkëshortore, faza e muajit të mjaltit në martesë merr fund pas vetëm 3.5 vjetësh, ka treguar një anketë e bërë me 2000 çifte bashkëshortore.

Shenjat e rutinës janë: më pak puthje, femrat më rrallë i rruajnë këmbët, kurse meshkujt nuk hezitojnë që të lirojnë gazra në prani të së dashurës a marrë parasysh sa e madhe mund të jetë dashuria në fillim të martesës, rutina, obligimet e përditshme por, në rend të parë, një mangësi e vëmendjes, janë arsyet për shkak të të cilave një numër i madh i njerëzve fillojnë që të përjetojnë partnerët si dikush që do të jetë aty, pa marrë parasysh çka.

Treguesit e ndryshimeve në jetën bashkëshortore janë imtësitë, sikur prekjet më të rralla, rrallimi i puthjeve për ditën e mirë, rrallimi i daljeve në restorante etj. Përkundër fillimit të rutinës, 75% të njerëzve vazhdojnë që ta konsiderojnë martesën e tyre stabile.

“Ekzistojnë shumë gjëra të cilat mund t’i bëjnë çiftet në mënyrë që lidhja e tyre të mos bëhet monotone, ku gjëja më e rëndësishme është që të mundohen që sa më shpesh të bëjnë dashuri, te bisedojnë, të preken dhe të kënaqen bashkë në ndonjë aktivitet – thotë autorja e studimit”, Kate Jonsen. Ajo thotë se shprehitë e këqija shumë lehtë futen në çdo lidhje, prandaj njerëzve nuk u intereson aq shumë se çka do të mendojë partneri. P.sh. lirimi i gazrave në prani të partnerit, bërja më e rrallë e dushit dhe një kujdes më i vogël ndaj sjelljeve në përgjithësi. /Telegrafi/