Pas gjysmë shekulli, publikohet imazhi i “topit të zjarrtë” 20 metra të lartë në Oqeanin Paqësor (Foto/Video)

Instituti amerikan i Gjeologjisë (USGS) ka publikuar në Twitter një fotografi të shkrepur më 11 tetor të vitit 1969 në Havai, në të cilën shihet një fenomen i rrallë natyror.

Në të shihet fontana e llavës që ngjante me një kupolë. “Kupola, fontana, episodi i 10 – 13 tetor 1969, shpërthimi i vullkanit Kilauea. Kjo kupolë është e lartë rreth 20 metra. Kupolat simetrike si kjo janë shumë të rralla”, kanë shkruar USGS në Twitter përbri fotografisë së publikuar, transmeton Telegrafi.

Kupolat e llavës dallojnë për nga madhësia dhe forma. Ato mund të arrijnë lartësinë deri në 500 metra, por zakonisht shfaqen nga 10 deri në 90 metra lartësi, ka shtuar USGS.

Dome fountain of episode 10, October 10–13, 1969, eruption of Kilauea Volcano. This dome fountain is about 20 m (65 ft) high. Symmetrical dome fountains such as this are rare. #Tbt #HI @Volcanoes_NPS pic.twitter.com/sKSQaVINKs

— USGS (@USGS) March 29, 2018

Kupola e llavës së fotografuar në vitin 1969 ishte formuar gjatë shpërthimit të vullkanit Kileauea. Në këtë zonë llava vazhdimisht shfaqej nga 24 maji i vitit 1969 e deri më 22 korrik 1974.

“Ka qenë shpërthimi më i madh i Kileaueas gjatë 2200 vitet e fundit”, thuhet në USGS, duke shtuar se ky shpërthim ka zgjatur 1774 ditë.

Gjatë kësaj kohe janë prodhuar 350 milionë metra kub llavë, mjaftueshëm që të mbushen 140 mijë pishina olimpike. /Telegrafi/