Pas divorcit, Kim Kadashian bën zyrtare lidhjen me Pete Davidson në Instagram

Kim Kardashian e ka bërë zyrtare lidhjen e saj me Pete Davidson në Instagram pak më shumë se një javë pasi gjykata e shpalli atë një grua beqare.

Ylli i “Kardashians”, 41 vjeç, të premten (11 mars) ndau një seri fotosh të reja të saj dhe të dashurit të saj, yllit të “Saturday Night Live”, 28 vjeç, në të cilat çifti po bëjnë ‘selfie’ të lezetshme së bashku.

Imazhet duket se janë bërë gjatë një prej netëve të takimit të çiftit në fundjavën e Ditës së Shën Valentinit, pasi Kardashian ka veshur të njëjtën pallto ngjyrë argjendi dhe Davidson ka të njëjtën xhaketë kafe me fanellë poshtë.

Për festën e Shën Valentinit, burimet e afërta me çiftin deklaruan se  komediani mori me qira pjesën e sipërme të hotelit “Carlyle” për partneren e tij dhe e mbushi hapësirën luksoze me lule dhe dhurata.

Fotot e reja që Kardashian ka shpërndarë të premten duket se janë realizuar brenda hotelit luksoz pikërisht atë natë, shkruan PageSix.

“Makinën e cilit do të marrim?!”, ka shkruar Kim në mbishkrimin e imazheve, që është një varg nga filmi i vitit 2010 “The Town”.

Ylli televiziv bashkëngjiti me imazhet gjithashtu një pamje të asaj skene nga filmi me aktorin protagonist. Ben Affleck.

Kardashian nuk ishte në gjendje të etiketonte Davidson në postim pasi ai çaktivizoi llogarinë e tij në Instagram pas sulmeve të përsëritura të ish-bashkëshortit të saj Kanye West kundër tij.

Megjithatë, një burim tha më parë Page Six se largimi i Davidson nga Instagrami nuk kishte asnjë lidhje me reperin miliarder që e kishte ngacmuar në internet.

“Pete e fshiu IG-në e tij sepse menjëherë pas postimit të tij të parë, ai filloi të merrte një lumë mesazhesh, pozitive dhe negative, duke i kujtuar atij pse nuk donte që të ishte pjesë e mediave sociale. Pete është në mes të disa projekteve të mëdha filmike dhe dëshiron të vazhdojë të qëndrojë shumë i fokusuar në punën e tij dhe gjërat pozitive që ndodhin në jetën e tij”, tha një burim.

Një nga disa gjëra pozitive në jetën e Davidson duket të jetë romanca e tij me Kardashian, për të cilën burimet kanë thënë se vetëm sa është forcuar edhe më shumë nga ‘sulmet’ e West ndaj tyre.

Lexo po ashtu Të gjitha lajmet nga Kim Kardashian

Kardashian dhe Davidson fillimisht ndezën thashethemet se po takoheshin kur u panë të kapur për dore në një xhiro në fermën“Knott’s Scary” në Kaliforninë Jugore më 29 tetor, menjëherë pas paraqitjes së saj në “SNL” – gjatë së cilës dyshja ndanë një puthje në një në skenë.

Kim bëri kërkesë për divorc nga Kanye, 44 vjeç, në shkurt 2021. Ish-çifti bashkë kanë katër fëmijë. /Telegrafi/

View this post on Instagram

A post shared by Kim Kardashian (@kimkardashian)