Gjatë një aksioni të Policisë së Kosovës më 21 dhjetor është arrestuar ish-kryetari i Komunës së Shtërpcës. Ish-kryetari u arrestua nën dyshime për keqpërdorim të pozitës zyrtare, respektivisht për shkak të dhënies së lejeve ilegale për ndërtim, konfirmoi Prokuroria e Ferizajt.
Shtërpca, është njëra prej gjashtë komunave me shumicë serbe në Kosovë, në jug të Ibrit dhe në krye të komunës që nga themelimi i saj në vitin 2009 deri në fund të nëntorit 2021 ishte Bratislav Nikoliq nga radhët e Listës Serbe, partisë kryesore të serbëve në Kosovë, e cila përkrahet nga Beogradi.
Nikoliq, para se t’i bashkohej Listës Serbe në vitin 2013 ishte po ashtu kryetar i Shtërpcës në kuadër të Partisë së Pavarur Liberale (SLS), e cila në fillim të vitit 2020 shpalli moratorium politik, si pasojë e dominimit total të Listës Serbe, transmeton REL.
Gjatë aksionit të Policisë së Kosovës, me urdhër të Prokurorisë së Shtetit, u arrestuan rreth 10 persona, mes të cilëve drejtori i Urbanizimit dhe disa zyrtarë e pronarë ndërmarrjesh. Ata ngarkohen për vepër penale të marrjes dhe dhënies së ryshfetit si dhe keqpërdorim të pozitës zyrtare.
Përndryshe, Bratislav Nikoliq mbante pozitë edhe në organin e përkohshëm komunal në Shtërpcë që financohej nga buxheti i Serbisë. Edhe zyrtarë të tjerë të Listës Serbe mbajnë dy pozita, në sistem të Kosovës dhe atë të Serbisë.
Në zgjedhjet e fundit lokale që u mbajtën më 17 tetor, në Shtërpcë fitoi kandidati, Dalibor Jevtiq nga Lista Serbe.
Paraprakisht, Jevtiq ishte ministër për Kthim dhe Komunitete në Qeverinë e Kosovës.
Ndaj aksionit të Policisë së Kosovës, reagoi drejtori i Zyrës për Kosovën në Qeverinë e Serbisë, Petar Petkoviq.
Petkoviq tha se Policia e Kosovës “bastisi disa fshatra të Komunës së Shtërpcës dhe arrestoi disa serbë”, derisa e përshkroi situatën “edhe një tentim brutal për frikësimin e popullsisë serbe në Kosovë dhe terror i ri i kryeministrit, Albin Kurti”.
“Nën maskë dhe me arsyetimin e njëfarë lufte kundër korrupsionit, Albin Kurti sërish dërgoi njësinë speciale, me përgatitje të plotë luftarake në mjediset me shumicë serbe me qëllimin e vetëm që serbët, të cilët mbetën duke mbrojtur interesat tonë kombëtarë, t’i kriminalizojë”, tha Petkoviq.
Lufta Prigozhin - Putin
Më shumëProkuroria jep detaje për plagosjen e katër personave në Lupç të Podujevës
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Nuk dihet gjendja shëndetësore e katër të plagosurve në Lupç, shumë policë te hyrja në Emergjencë
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës