Askush nuk e di se si do të duket e ardhmja, por ekspertët bazuar në disa trende kanë parashikuar se si do të rrjedh situata në tregun e punës dhe cilat do të jenë punët më të popullarizuara në 20 vitet e ardhshme.
Me zhvillimin e shpejtë të teknologjisë, po ndryshon edhe mënyra e punës, që më së miri është parë gjatë pandemisë së coronavirusit dhe mbylljes që në një mënyrë të gjithë i janë nënshtruar.
Futuristi Morris Miselowski bazuar në trendet aktuale në një kolumne të shkruar për Yahoo, ka theksuar punët favorite që do të jenë më të kërkuarat në të ardhmen, transmeton Telegrafi.
Ekspert i shkencës ushqimore
Miselowski pretendon se tashmë jemi dëshmitarë të ndryshimeve në industrinë e ushqimit që është e lidhur me përparimin teknologjik, e si do të përparojë teknologjia ashtu në këtë industri do të hapen vende të reja të punës siç janë specialistë për “shtypjen” e ushqimit, dizajnerë të ushqimit sintetik e zyrtarë të logjistikës të ushqimit nëpër banka…
Në veçanti ka theksuar se shumica e teknologjive të reja në prodhimin e ushqimit, do të përqendrohen në metodat e bujqësisë së qëndrueshme.
Logjistika për transportin autonom
Duke marrë parasysh se sot në Shtetet e Bashkuara ekziston transporti i taksive autonome, nuk është vështirë të konstatohet që gjatë 20 viteve të ardhshme shumica e veturave do të jenë autonome.
Gjithashtu, shumë ekspertë besojnë se deri atëherë nuk do të ketë nevojë për posedim veture, sepse veturat do të përdorim vetëm për nevoja të caktuara – duke u telefonuar përmes aplikacioneve siç është Uber.
E për ta menaxhuar këtë teknologji, rezervime, pagesa dhe gjëra të ngjashme, do të ketë nevojë për njerëz që do të zhvillojnë dhe menaxhojnë një lloj të tillë të teknologjisë dhe logjistikës.
Punë në sektorin e energjisë
Theks i rëndësishëm në sektorin e energjisë gjatë 20 viteve të ardhshme, si sot do të ketë siguria. Derisa sot kujdesen për sigurinë inspektorët e punës, në të ardhmen këtë punë do ta kryej teknologjia – dronët do të mbikëqyrin vendet e punës, derisa punëtorët do të kujdesen për kushtet e zgjerimit të realitetit virtual, pa u ekspozuar ndaj situatave të rrezikshme.
Futuristi Miselowski pret se do të hapen vende të reja puna në zhvillimin e një teknologjie të specializuar, siç është analizimi i të dhënave si dhe analizimi i parashikimeve që do të paralajmëronin se kur do të ishte koha e duhur për mirëmbajtjen e sistemit.
Punët e përqendruara në shëndetësi
Ky është një trend që ka vazhduar me vite, i referohet rritjes së investimeve në shëndetin e njeriut dhe pritet të vazhdojë në të ardhmen, beson Miselowski, duke shtuar se fokusi do të jetë në shëndetin dhe mirëqenien e njeriut – së bashku me avancimin e teknologjisë që do të monitorojnë këto çështje.
Ai gjithashtu thekson rëndësinë e “të dhënave radikale ndërvepruese”, me të cilat të gjitha të dhënat e shëndetit të njeriut do të integrohen dhe të jenë të disponueshme për “hulumtime dhe veprime”.
Punët e lidhura me një përparim të tillë, do të jenë edhe më shumë të lidhur me zhvillimin e analizave – në veçanti në sigurinë e të dhënave sa i përket kujdesit shëndetësorë siç do të jenë të nevojshëm për monitorim ekspertët ligjorë. /Telegrafi/
Lufta Prigozhin - Putin
Më shumëShtrohet darka tradicionale për musafirët special të Panairit Horeca
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Nga 26 Qershori, PrishtinaTicket shton dhe një destinacion të ri!
Diaspora solli në Kosovë mbi 112 milionë euro gjatë marsit
Telegrafi Jobs, busulla jote për karrierë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre