Lionel Messi nuk ka pasur një edicion siç jemi mësuar, por në ndeshjen e fundit ndaj Athletic Bilbaos, ai ishte i jashtëzakonshëm.
Gjashtë herë fituesi i “Topit të Artë” kishte shënuar vetëm 10 gola në 19 paraqitje në të gjitha garat.
Skuadra e tij ishte larg ritmit të menduar në La Liga dhe spekulimet për të ardhmen e tij kishin ndikuara në paraqitjet e tij dhe të ekipit.
Sidoqoftë, e mërkura mund të ketë qenë një pikë kthese për këtë sezon.
Edhe pse Barca e gjeti herët vetën në disavantazh nga Bilbao, në fund fituan 3-2.
Fitorja i ngriti në vendin e tretë, pesë pikë prapa Real Madridit në vendin e dytë dhe shtatë largët e udhëheqësve të Atletico Madrid - edhe pse skuadra e Diego Simeone ka dy ndeshje më pak.
Kishte mjaft gjëra pozitive në fitoren e arritur në “San Mamés”. E më pozitivja ishte paraqitja e Messit.
Messi shënoi dy herë në këtë ndeshje. por prodhoi një paraqitje të klasit botëror.
Nëse nuk keni pasur fatin të shikoni Messin mbrëmë, më poshtë e gjeni një video të krijuar me pikat kryesore individuale të paraqitjes së tij.
Messi ishte, ai që jemi mësuar ta shohim, gola, shtylla, driblime, pasime dhe gjithçka tjetër.
Trajneri i Athletic Bilbaos, Marcelinho, e pranoi pas ndeshjes se Messi ishte ai që i mposhti. /Telegrafi/
