Paralajmërohen sulme të reja në Gjermani

Gjermanët duhet të përgatiten për sulme të tjera që do të kryhen nga grupe të vogla dhe radikaliste të ashtuquajtur “ujq të vetmuar”, ka paralajmëruar ministri i Brendshëm Thomas De Maiziere.

Pesë njerëz janë plagosur, dy janë në gjendje kritike sepse u sulmuan nga një 17 –vjeçar, të hënën i cili u fut i inatosur në një tren në shtetin jugor të Bavarisë.

Sulmuesi, i cili kishte arritur në Gjermani në vitin 2015 si një emigrant i pashoqëruar, u qëllua për vdekje derisa mbante një sëpatë dhe një thikë, transmeton KosovaPress.

Një video është shfaqur ku tregon se ai ishte një ushtar i ashtuquajtur i Shtetit Islamik.

De Maiziere tha se adoleshenti ishte ” nxitur ” nga propaganda e ISIS-it, por nuk kishte prova se ai ishte duke ndjekur urdhrat e grupit militant.

Dëshmitarët thanë se sulmuesi, Muhammad Riyadh, bërtiti ” Allahu Ekber ” ( Zoti është i madh ) 3 herë, dhe ISIS-i e pretendon adoleshentin si një pasues të tyre përmes agjencisë së tyre të lajmeve.

Një flamur i pikturuar me dorë është gjendur në dhomën e tij.

Ministri i Brendshëm, përshkroi sulmin me sëpatë të mbrëmjes së të hënës, në Ëuerzburg si “ndoshta fillimi i një terrori “.

“Në Gjermani, ne duhet të presim sulme nga grupe të vogla apo nga sulmues radikalist si ‘ ujq të vetmuar'”, tha ai.