LAJMI I FUNDIT:

Paralajmërohen njohje të reja

Paralajmërohen njohje të reja

Ministri i Punёve tё Jashtme, Skender Hyseni ka vazhduar serinë e takimeve me pёrfaqёsues tё pёrhershёm tё akredituar pranë Organizatёs sё Kombeve tё Bashkuara, prej të cilëve ka kërkuar që vendet e tyre ta ndërmarrin hapin e njohjes së pavarësisë së Kosovës.

Në vazhdën e këtij aktiviteti lobues, Hyseni – në ditën e dytë të qëndrimit në New York – ka takuar dhe pёrfaqёsuesin e pёrhershёm tё Omanit, ambasadorin Fuad Al-Hinai.

Ambasadori Al-Hinai, siç theksohet në një komunikatë të MPJ-së, i ka vlerёsuar si “jashtёzakonisht impresive hapat qё janё ndёrmarrё nё krijimin e institucioneve moderne nё Kosovё”. Ai ka theksuar se, “ёshtё çёshtje kohe pёrpara se Kosova tё njihet nga shumica e vendeve”.

Ministri Hyseni ka pasur një takim, i cilësuar si i frytshëm, edhe me pёrfaqёsuesin e pёrhershёm tё Irakut nё OKB, ambasadorin Hamid Al Bayati, i cili ёshtё shprehur se “Kosova meriton tё jetё shtet i njohur nga shtetet tjera”, dhe ka theksuar se vendimi pёr njohje do tё merret nё kohёn e duhur.

Shefi i diplomacisë kosovare ka takuar edhe pёrfaqёsuesin e pёrhershёm tё Armenisё nё OKB, ambasadorin Armen Martirosyan – i cili ka falënderuar ministrin Hyseni pёr njoftimet pёr zhvillimet nё Kosovё, dhe premtoi se kёrkesёn pёr njohje do t’ja pёrcjellё Qeverisё sё tij.

Ndërkaq, pёrfaqёsuesi i pёrhershёm i Kuvajtit nё OKB, ambasadori Abdullah Ahmed Mohamed Al-Murad, i ka thënë ministrit Hyseni se shteti i tij e kupton vullnetin e popullit tё Kosovёs pёr shtet tё pavarur.

Ministri Hyseni ka pasur takime edhe me pёrfaqёsuesin e pёrhershёm tё Botsuanёs nё Kombet e Bashkuara, ambasadorin Charles Thembani Ntëaagae, i cili ka vlerёsuar pёrparimin qё ka arritur Kosova, pastaj me pёrfaqёsuesin e pёrhershёm tё Cape Verde-s, ambasadorin Antonio Pedro Monteiro Lima, i cili ka thënë se, vendimi pёr njohjen e Kosovës ёshtё vetёm “çёshtje kohe” dhe se “Cape Verde e njeh shumё mirё çmimin e lirisё”.

Ashtu sikurse edhe në të gjitha takimet paraardhëse, edhe nё takimin me pёrfaqёsuesin e pёrhershёm tё Tongos nё OKB, ambasadorin Sonatane Taumoepeau-Tupou, ministri Hyseni ka ripёrsёritur kёrkesёn pёr njohjen sa mё parё tё Republikёs sё Kosovёs nga ky vend. Nga ana e tij, ambasadori ka siguruar ministrin Hyseni, se do t’ia pёrcjellё kёrkesёn pёr njohje Qeverisё sё tij. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori