Të martën e kaluar, Shërbimi Evropian i Veprimit të Jashtëm (EEAS) organizoi në Bruksel një konferencë të rëndësishme mbi manipulimin e informacionit dhe ndërhyrjen e huaj, me pjesëmarrjen e shumë ekspertëve ndërkombëtarë. Me këtë rast, nënvizova rëndësinë e luftës kundër “industrisë së gënjeshtrave” të Putinit për të ardhmen e paqes dhe demokracisë, jo vetëm në BE, por edhe në mbarë botën.
“Kremlini ka krijuar një industri të fuqishme manipulimi për t’i penguar njerëzit të kuptojnë se çfarë po ndodh dhe për ta hedhur fajin tjetërkund”.
Në një kohë kur lufta është rikthyer në Evropë, kur Ukraina numëron dhjetëra mijëra viktima dhe miliona refugjatë, ne bëjmë gjithçka mundemi për ta ndihmuar Ukrainën të mbrohet dhe të rifitojë sovranitetin e saj të plotë. Lufta e Ukrainës për liri nuk ka të bëjë vetëm me evropianët, por ka të bëjë me të gjithë njerëzit në mbarë botën. Është një luftë në mbrojtje të së drejtës ndërkombëtare dhe vlerave themelore, për të cilat të gjitha vendet kanë nënshkruar Kartën e Kombeve të Bashkuara.
Putini jo vetëm që filloi luftën, por ka krijuar gjithashtu një industri të fuqishme gënjeshtrash.
Në këtë kontekst, ne duhet të mbrojmë BE-në dhe botën nga industria e mashtrimit të Putinit. Putini jo vetëm që filloi luftën, por ka krijuar gjithashtu një industri të fuqishme manipulimi për t’i penguar njerëzit të kuptojnë se çfarë po ndodh në të vërtetë, për t’i bërë të dyshojnë për gjithçka dhe për ta hedhur fajin tjetërkund. Përpjekjet e Kremlinit për manipulimin e informacionit janë globale dhe funksionojnë në një shkallë industriale. Ato janë një instrument vendimtar i kësaj lufte.
Bombat e Putinit vrasin njerëz në Ukrainë, ndërsa industria e tij e manipulimit të informacionit sulmon mendjet e njerëzve në Rusi dhe në mbarë botën. Po përpiqet t’i çorientojë ata që të mos kuptojnë se kush është përgjegjës për vrasjet, për faturat e energjisë elektrike që nuk mund t’i paguajnë, për vështirësitë ekonomike me të cilat përballen dhe për urinë që është përkeqësuar për shkak të luftës që vetë Rusia nisi. Putini po synon në mënyrë cinike të mashtrojë njerëzit që të besojnë se “forca ka të drejtë” dhe se autokratët mund t’ia hedhin pa u ndëshkuar për mizoritë e kryera. Afrika është një nga objektivat kryesore të kësaj “industrie të gënjeshtrave”, por e shoh edhe kur shkoj në Amerikën Latine dhe Azi. Këto çështje i diskutuam në konferencën “Përtej dezinformimit”, të cilën e organizoi EEAS, duke mbledhur ekspertë të njohur ndërkombëtarë për të debatuar se si t’i përgjigjemi sa më mirë kërcënimeve që vijnë si shkak i manipulimit të informacionit dhe i ndërhyrjeve të huaja.
Ne kemi ndërmarrë tashmë shumë hapa për t’u mbrojtur nga ky kërcënim. BE-ja ka prezantuar masa kufizuese kundër industrisë së mashtrimit të Kremlinit, e cila vepron brenda Bashkimit Evropian. Mediat që ka krijuar dhe mobilizuar Kremlini si pjesë e përpjekjeve të tij për luftë nuk po veprojnë në përputhje me kodin etik ndërkombëtar të gazetarisë: ato janë mjete propagande.
Gazetaria reale, profesionale dhe e pavarur mbrohet dhe do të mbrohet gjithmonë në BE. Dhe ne do të vazhdojmë ta mbështesim atë kudo në botë. Informacioni i saktë është karburanti i demokracisë. Pa qasje në fakte dhe media të pavarura, demokracia vyshket dhe zgjedhjet pengohen. Kjo është arsyeja pse nuk duhet ta trajtojmë këtë si një çështje komunikimi: siç edhe thashë në fjalimin tim, kjo është një çështje politike që duhet ta trajtojmë politikisht, në nivelin më të lartë. Në konferencë, paraqita Raportin e parë të EEAS-së mbi manipulimin e informacionit dhe kërcënimet e huaja për ndërhyrje, të cilin sapo e kemi publikuar. Ai tregon saktësisht se si Rusia ka mobilizuar burime për të shtrembëruar sistematikisht realitetin, për të hedhur fajin tjetërkund dhe për të larguar vëmendjen nga pushtimi i saj ushtarak në Ukrainë. Raporti gjithashtu konfirmon se ka një valë të re teknikash dezinformimi dhe dokumenton bashkëpunim shqetësues midis aktorëve si Rusia dhe Kina.
Kemi nevojë për analiza më të mira dhe reagime të përshtatura në mënyrë më të kujdesshme.
Në bashkëpunim të ngushtë me institucionet e BE-së, shtetet anëtare dhe partnerët ndërkombëtarë, EEAS ka qenë mjaft aktiv për këto çështje që nga viti 2015. Sidoqoftë, duhet të ecim më tej me analiza më të mira dhe përgjigje të përshtatura në mënyrë më të kujdesshme. Për këtë, do të krijojmë Qendrën e Ndarjes dhe Analizës së Informacionit për të mbledhur informacion mbi dezinformimin dhe kërcënimet e huaja për manipulimit e informacionit. Qendra do të rrisë kapacitetet tona për të shkëmbyer praktikat më të mira dhe do të sigurojë që mund t’i mbrojmë në mënyrë më efikase demokracitë tona. Ne kemi nevojë të punojmë edhe më ngushtësisht me partnerët tanë anembanë globit dhe të jemi më aktivisht të pranishëm në gjuhët lokale në pjesë të ndryshme të botës. Jam në kërkim të opsioneve për të garantuar që zëri i BE-së të dëgjohet më mirë.
Promo
Reklamo këtuLufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
E ngacmojnë se nuk "di të lexojë", zbulohet problemi shëndetësor që kanë dy vëllezërit Veshaj
Mbrojtësi i Borussia Dortmund trondit me pamjen e tij - ai fiton 10 milionë euro në vit dhe pas dy javësh ka finalen e Ligës së Kampionëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë