Presidenti amerikan Donald Trump është munduar që gjatë takimit me liderin e Koresë së Veriut të fut paksa dramë të stilit holivudian, duke ia shfaqur në iPad një video të shkurtër Kim Jong-Un, ku shihen mundësitë që do të mund vijnë nëse arrihet marrëveshja për stopimin dhe shkatërrimin e programit bërthamor, shkruan Guardian.

Videon që sot e prezantoi Trump edhe gjatë konferencës për media, flet për “dy burra, dy liderë, një fat”. Aty shfaqen Kim dhe Trump si dy figura në film, transmeton Telegrafi.

Dokumenti i plotë i nënshkruar nga Trump dhe Kim në Singapor (Foto/Video) Dokumenti i plotë i nënshkruar nga Trump dhe Kim në Singapor (Foto/Video)

Pamjet ngjasojnë më shumë më trajlerin e një filmi, ku shihen pamjet e aeroplanëve luftarakë, artilerisë, derisa narracioni në gjuhën angleze dhe koreane shkruan se “bota e re sot mund të fillon, një miqësi, respekt dhe vullnet i mirë”.

“E kemi bërë ne, ia kam treguar sot gjatë takimit dhe mendoj se i ka pëlqyer shumë”, ka deklaruar Trump.

Të njëjtat pamjet besohet se Trump ia ka treguar edhe pjesëtarëve tjerë të delegacionit të Koresë së Veriut, të cilët sipas Trumpit mbetën pa fjalë.

Trump ia tregon limuzinën presidenciale Kimit (Video) Trump ia tregon limuzinën presidenciale Kimit (Video)

“Ia tregova (Kimit), pasi vërtetë dua që ai të bëjë diçka”, ka deklaruar Trump.

Në filmin e shkurtër Kim portretizohet si figurë qendrore që jeton në momentin kyç të historisë. /Telegrafi/