Në fund të muajit prill të këtij viti, për herë të parë në historinë 30-vjeçare të programit të bombarduesve B-2 Stealth të forcave amerikane ajrore, është publikuar një video e filmuar brenda kabinës së bombarduesit më të avancuar në botë që e ka realizuar regjisori nga Dallasi, Jeff Bolton, shkruan Business Insider.

Derisa në video shpjegohet gjithçka në detaje dhe mund të shihet edhe momenti kur kjo fluturake që konsiderohet makth për forcat e armikut, mbushet në ajër nga aeroplani tjetër cisternë mbi qiellin e Missouri, transmeton Telegrafi.

Ishte regjisori Jeff Bolton që njëherit njihet si adhurues i flaktë i aviacionit, i cili pati rastin të futet brenda kësaj fluturake dhe të filmon gjithçka. Aty opinioni pati rastin ta shoh për herë të parë se si duket ky aeroplan bombardues që edhe sot mban titullin e më të rrezikshmit në planetë.

Kujtojmë se një nga arsyet që këtij aeroplani ia kanë frikën të gjithë tjerët, është fakti sepse mbetet i vetmi që deri më sot mund t’i fshihet radarëve dhe mund të hedhë bomba bërthamore.

Ky aeroplan mund të mbajë 16 bomba bërthamore njëmijë kilogramëshe të modelit B83. E hera e parë që është angazhuar në luftime ka qenë lufta në Kosova në vitin 1999.

Megjithatë ai është përdorur më vonë edhe në luftën e Irakut dhe Afganistanit, por ka shërbyer edhe në Paqësor për t’i dhënë mesazhe Kinës dhe Koresë së Veriut.

Se për çfarë bëhet fjalë shikoni fotogalerinë dhe videon e publikuar më poshtë dhe do të bindeni se jo më kot mban epitetin e më të rrezikshmit dhe të avancuarit në botë. /Telegrafi/