Me pamje rinore dhe në top formë, Teuta Krasniqi duket tejet e freskët në fotografitë e fundit

Aktoren e njohur shqiptare, Teuta Krasniqi, e njohur për sharmin e saj, i ka befasuar ndjekësit e saj me një serë fotografish në Instagram ku shfaqet më tërheqëse dhe më e freskët se kurrë.

Ylli i serialeve vendore ka marrë vëmendjen e ndjekësve me pamjen e saj të rinovuar, teksa ka bërë së fundmi një rikthim të fuqishëm në fushën e saj të dashur – aktrimin.

Pas një periudhe larg kamerave, Teuta i është bashkuar kastit të serialit të dashur “Çka ka shpija”, duke u bërë një nga fytyrat e preferuara të audiencës.

Mirëmbajtja e saj fizike, që mund ta shihet lehtësisht në imazhet që ajo ndan me ndjekësit në rrjetet sociale, është një tregues i qartë i një stili jetese të shëndetshme dhe të ekuilibruar.

Si vegane e devotshme, bashkë me burrin e saj, Teuta ushtron një regjim ushqimor të bazuar vetëm në produkte bimore, i cili jo vetëm që i jep energjinë dhe freskinë e nevojshme për të përballur ditët e gjata të xhirimeve, por gjithashtu e ndihmon të ruajë formën dhe të jetë një model frymëzimi për shumë njerëz.

Ndjekësit në Instagram e lavdërojnë jo vetëm për performancën e saj në ekran, por edhe për dedikimin e saj ndaj një mënyre jetese të shëndetshme dhe për energjinë pozitive që ajo përçon përmes imazheve dhe postimeve të saj. /Telegrafi/