Ministri i Financave në detyrë, Avdullah Hoti, ka prezantuar, listën e masave të pakos fiskale 2.0 , e cila është miratuar paraprakisht në mbledhjen e Qeverisë.
Këto masa sipas tij, do të ndryshojnë komplet ambientin e të bërit biznes në Kosovë.
“E para dhe më e rëndësishmja është lirimi nga tatimi doganor për gjitha produktet që konsiderohen si lëndë të parë për procesin e prodhim, kjo nënkupton lirim të kostos së prodhimit për prodhuesit tanë rreth 10 për qind. E dyta heqja e normës së akcizës në mazut për qëllime prodhimi. Duke i përcaktuar normativat e prodhimit që përdorin kompanitë . E treta është reduktimi nga 18 në 8 për qind i TVSH-së për aktivitetet kulturore , artistike , sportive , turistikët akomodim , rekreacion dhe përpunim të peshkut në Kosovës. E katërt është Udhëzimi Administrativ për Pushimet Tatimore për nxitjen e investimeve në sektorë strategjikë të Kosovës siç janë , bujqësia, turizmi dhe teknologjia informative”, tha Hoti.
Ministri në detyrë i Financave tha se këto masa janë diskutuar edhe me Fondin Monetar Ndërkombëtar dhe se ka sqaruar edhe masa e cila ka qenë më e diskutueshme me FMN, siç është Udhëzimi Administrativ për pushimet tatimore për nxitjen e investimeve në sektorë të veçantë me potencial për zhvillim dhe punësim siç janë bujqësi, agro-procesim , turizëm dhe IT për një periudhë të caktuar kohore.
“Diskutimi që kemi pasur me Fondin Monetar Ndërkombëtar në prill të këtij viti në Washington kanë qenë të tilla që ne t’ i kufizojmë këto masa në sektor ma specifik pra në sektor që ne e quajmë në ekonomi në sektorin ku krijohet më së shumti punësim varësisht prej investimeve që ndodhin që është bujqësia, turizmi dhe sektori i teknologjisë informative . Kjo masë do të kompletohet me një vendim shpjegues të ATK-së që ju mundëson firmave që bëjnë investime që amortizimi ta përdorin në dy vitet e para mos të presim 6 vite për të shlyer investimin që e kanë bërë”, tha Hoti.
Disa prej këtyre masave do të hyjnë në fuqi gjatë këtij muaji, ku sipas Hotit disa prej tyre do të bëhen gati si drafte në mënyrë që me konstituimin e institucioneve të procedohen më tutje.
Sipas tij, është lista e veprimeve ligjore që duhet të ndërmerren nga Ministri të ndryshme ,nga Agjencitë e ndryshme dhe se janë caktuar institucionet përgjegjëse për nxjerrjen e aktit ligjor, nënligjor për masën përkatëse.
Është caktuar sipas tij po ashtu edhe afati kohor kur duhet të përgatitet masa përkatëse dhe kur duhet të hyjë në fuqi.
Ai po ashtu tha se Qeverinë në detyrë nuk e ndalon askush që të krijojë kushte për të bërë biznes.
“Kemi pasur përmirësime të mëdha në realizimin në rangimin ndërkombëtar të Kosovës që bëhet rregullisht nga Banka Botërore. Efektet e asaj pako janë parë në dy vitet kaluara në normën e zhvillimit ekonomik që është rritë nga 1 në rreth 4 për qind. Tash këto masa i kompletojnë masat e asaj pako fiskale dhe ofrojnë mundësi që bizneset në Kosovë të jenë plotësisht konkurrente me bizneset në regjion edhe më gjerë”, tha Hoti.
Pakoja ka hy në fuqi dy vite më parë e cila sipas Hotit ka pasur ndikim në zhvillimin ekonomik . /Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
Nga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Shijo detin e krejt stinëve në “Holiday In 2”
Mesazhet iraniane ulën çmimet e naftës në tregun botëror
Modë apo relaks?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre