Paketos shkëlqen në Times Square – Kompania kosovare që po sjell Amerikën në Kosovë

Një tjetër sukses i jashtëzakonshëm për një kompani kosovare! “Paketos”, kompania që ka revolucionarizuar mënyrën se si qytetarët e Kosovës porosisin nga SHBA-ja, është shfaqur në një nga ekranet më të famshëm në botë – në zemër të Times Square në New York.

Përmes një paraqitjeje simbolike, Paketos prezantoi për botën vizionin e saj të madh: të bëhet ura më e besueshme dhe më efikase mes konsumatorëve në Kosovë dhe platformave gjigante amerikane si Amazon, Walmart, etj.

Ky ekspozim në Times Square vjen si rezultat i suksesit të jashtëzakonshëm të kompanisë në një periudhë shumë të shkurtër që nga themelimi i saj në vitin 2022.

Një dritare nga Kosova në qendrën e botës

Për të gjithë ata që kaluan pranë ekranit të njohur në Times Square, emri Paketos nuk kaloi pa u vënë re. Ky ishte jo vetëm një moment krenarie për kompaninë, por edhe për të gjithë Kosovën, duke treguar se idetë inovative dhe puna e palodhur mund të sjellin një kompani nga Prishtina në zemër të New York-ut.

Një mision me përmasa globale

Paketos që nga themelimi ka sjellë mijëra pako nga Amerika për tregun dhe konsumatorët kosovarë, duke lehtësuar aksesin në produkte ndërkombëtare me shpejtësi dhe siguri.

Synimi është i qartë: së shpejti do të krijohet një platformë e avancuar e-commerce, e cila do të ofrojë qasje në qindra miliona produkte. Kjo platformë do të jetë e dizajnuar për të përmbushur nevojat e tregut lokal, me teknologji të nivelit të lartë dhe një rrjet të optimizuar logjistik.

Paketos në Times Square nuk ishte vetëm një moment marketingu – ishte një deklaratë ambicieje. Një mesazh i qartë: Kosova është gati për tregun global.