Pak ditë pas lirimit nga paraburgimi, reperi i njohur Buta ka bërë rikthimin e tij në skenën muzikore me këngën e re “Sorrë/FRFR”, e shoqëruar me videoklip.
Ai ishte arrestuar nga policia për shitblerje të drogës dhe armëmbajtje pa leje, një ngjarje që mori vëmendje të madhe në mediat shqiptare.
Kënga e re është prodhuar nga Aspekt, me muzikë nga By Nyce, ndërsa realizimin e videoklipit e ka marrë përsipër Narcizëm.
Foto: YouTube
Videoja tashmë është e disponueshme në YouTube, duke i mundësuar publikut të ndjekë rikthimin e artistit pas një periudhe sfiduese.
Buta, i njohur për stilin e tij të veçantë dhe tekstet e drejtpërdrejta, duket se po rikthen energjinë e tij në industrinë muzikore, duke konfirmuar se nuk e ka ndërprerë lidhjen me fansat dhe muzikën, pavarësisht pengesave që ka kaluar kohët e fundit.
Ky projekt mori reagime të shumta menjëherë pas lansimit dhe besohet se do të pritet mirë nga publiku.
Artisti ndërkaq i ka qëndruar besnik stilit të tij muzikor që nga fillimi i karrierës. /Telegrafi/
- YouTube www.youtube.com
