Kryetari i Aleancës Kosova e Re, Behgjet Pacolli, ka përshëndetur arritjen e koalicionit mes Lëvizjes Vetëvendosje dhe Lidhjes Demokratike të Kosovës.
Pacolli ka thënë se Kosovën e presin shumë punë dhe sfida.
"Përgëzoi VV dhe LDK për punën e tyre të palodhur derisa arritën konsensus për të qeverisur Kosovën së bashku për mandatin e tyre të ardhshëm. Kosovën e presin shumë punë dhe sfida...Urime e punë të mbarë", ka shkruar ai.
Koalicioni mes LVV-së dhe LDK-së është arritur mëngjesin e sotëm.
Kurti dhe Mustafa përmes një konferencë të përbashkët për media, kanë pohuar se Qeveria do t’i ketë 15 ministri.
Seanca e Kuvendit të Kosovës për votimin e Qeverisë do të mbahet nesër, duke filluar nga ora 11:00./Telegrafi/
