Qytetarët nuk kanë qasje të barabarta në shërbimet që ofrojnë institucionet publike shëndetësore, thonë përfaqësuesit e Shoqatës për të drejtat e pacientëve në Kosovë.
Rastet që janë raportuar në këtë shoqatë kanë qenë kryesisht ndërrimi i listave të pritjes së pacientëve që kanë pasur termine për operacion, mungesa e barnave esenciale, por edhe qasja jo e barabartë në trajtimin e pacientëve jashtë institucioneve publike shëndetësore.
Kështu ka thënë Besim Kodra, drejtues i Shoqatës për mbrojtjen e të drejtave të pacientëve.
“Ka pasur ankesa nga pacientët për listën e barnave esenciale, për listë të pritjes, që disa lihen të presin, e disa futen pa radhë. Pra, kjo tregon që nuk e kanë qasjen e barabartë”.
“Pastaj problem më madhor e shoh fondin për trajtim jashtë vendit. Kemi pasur ankesa se disa janë dërguar jashtë vendit e disa të tjerë jo. Në zyrën e ankesave kanë ardhur raste kur pacientët në listë për operim, janë hequr dhe është futur dikush tjetër. Pra, nuk është qasja e barabartë mes pacientëve”, ka thënë Kodra.
Vetë ministri i Shëndetësisë, Uran Ismaili, ka deklaruar për Radion Evropa e Lirë se qasja e pacientëve në shërbime cilësore shëndetësore, nuk është e kënaqshme.
Por, sipas tij, aktualisht po punohet në drejtim të përmirësimit të gjendjes.
“Me qasje ne nënkuptojmë që përpos të fuqizojmë mjekësinë primare, po ashtu të konsiderojmë(shqyrtojmë) kualitetin e shërbimeve që mos t’i kemi situatat që ekzistojnë sot që njerëzit te shërbimi mjekësor, pa pasur nevojë të kenë njerëz të njohur, po të kenë qasje të lehtë jodiskriminuese, fer dhe ta marrin shërbimin e merituar”.
“Unë nuk jam i kënaqur me këtë indikator dhe ndryshimi do të krijohet duke i rritur investimet, sistemi menaxherial të ndryshohet dhe atëherë do të shohim se ku ka ngecje dhe cili është faktori që po e shkakton ngecjen. Është faktori njeri që nuk dëshiron ta kryejë punën e vet, apo është mungesa e aparaturës së caktuar e që do ta blejmë atë, apo nëse nuk kemi mjek të ndonjë lëmi, do ta trajnojmë”, ka deklaruar Ismaili.
Ndërkaq, nga zyra e Organizatës Botërore të Shëndetësisë në Kosovë, thonë se gjendja në shëndetësi, patjetër që kërkon përmirësim.
Ardita Tahirukaj, udhëheqëse e zyrës së OBSH së, ka deklaruar se qëllimi i sistemit shëndetësor, do të duhej të jetë mbulimi shëndetësor i përgjithshëm, e që do të thotë se të gjithë njerëzit mund të kenë qasje në shërbimet cilësore shëndetësore, ku dhe kur kanë nevojë për to, pa u përballur me vështirësi financiare.
Kjo, pasi, siç thotë Tahirukaj, është e drejtë themelore e njeriut, një vizion që OBSH-ja e ka ndjekur në partneritet me shtetet që nga themelimi i saj para 70 vjetësh.
“Shëndeti është pasuria jonë më e madhe dhe nuk duhet të shihet si një luks, i cili mund të gëzohet vetëm nga më të privilegjuarit”.
“Ne të gjithë përfitojmë në aspektin social, ekonomik dhe nga ai mjedisor nga një botë, e cila synon shëndet për të gjithë. Është koha që së bashku të përshpejtojmë përpjekjet tona për të arritur qëllimin e përbashkët për mbulim shëndetësor të përgjithshëm edhe në Kosovë”, ka theksuar ajo.
Për gjendjen në fushën e shëndetësisë ka folur edhe kryeministri i Kosovës, Ramush Haradinaj. Ai ka deklaruar se e sheh gjendjen aktuale në shëndetësi si shqetësuese dhe ka ftuar të gjithë partnerët, vendorë e edhe ata ndërkombëtarë, që të ndihmojnë në përmirësimin e këtij sektori.
Promo
Reklamo këtuLufta Prigozhin - Putin
Më shumëNga Rubrika
NPK “Tetovë”: Qytetarët të lajmërojnë ekipet tona për largimin e mbeturinave inerte
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi