Orban i kërkon Zelenskyt të shqyrtojë “armëpushimin e shpejtë” në Ukrainë

Kryeministri hungarez Viktor Orban i cili po qëndron për vizitë në Kiev, raportohet t’i ketë thënë presidentit ukrainas Volodymyr Zelensky se armëpushimi në vendin e tij do të ndihmonte në përshpejtimin e negociatave për paqe me Rusinë.

Orban që është një prej liderëve evropianë që mbështet më së shumti regjimin e Vladimir Putinit në Rusi, po qëndron në Kiev – ku është takuar me presidentin ukrainas, transmeton Telegrafi.

Në një konferencë të përbashkët Orban i sugjeroi presidentit ukrainas një armëpushim të shpejtë në Ukrainë që do të mund të përshpejtonte bisedimet për paqe me Rusinë.

Lexo po ashtu Aeroplanët luftarakë ukrainas bombardojnë një depo municioni të rusëve në Krime

Ai gjithashtu tha se Hungaria do të dëshironte marrëdhënie shumë më të mira dypalëshe me Ukrainën, dhe se vendi i tij është i gatshëm të marrë pjesë në modernizimin e ekonomisë së Ukrainës.

Orban thekoi se Hungaria do të jetë në dispozicion të Ukrainës në rolin e saj aktual si president i radhës i Këshillit të BE-së, duke theksuar se paqja është e rëndësishme për të gjithë Evropën. /Telegrafi/

Hungarian Prime Minister Viktor Orbán arrived in Kyiv in the morning for talks with Volodymymyr Zelenskyy, the spokesman for the head of the Hungarian government, Bertalan Havasci, has said. Yesterday, Budapest took over the EU presidency for six months.

This is the first visit… pic.twitter.com/xlon9fEqC2

— NEXTA (@nexta_tv) July 2, 2024