Në prag të takimit të liderëve të Kosovës dhe Serbisë në Uashington, Lëvizja Vetëvendosje mendon se qeveria aktuale do ta çojë vendin “drejt një degradimi të radhës apo edhe të ndonjë marrëveshjeje të dëmshme për Kosovën”, kurse zyrtarë të Partisë Demokratike të Kosovës porosisin se “nënshkrimi i çfarëdo marrëveshjeje që bie ndesh me Kushtetutën e Kosovës dhe kundër interesave të Kosovës, nuk do të ratifikohej në Kuvendin e Kosovës”.
Albulena Haxhiu, nga Vetëvendosje thotë se partia e saj nuk do të pranojë të jetë pjesë e delegacionit të Qeverisë së Kosovës në procesin negociues që po zhvillohet në Bruksel apo edhe në Uashington.
“Nga procesi i dëmshëm i cili po bëhet, padyshim që ne nuk mund të themi se po anashkalohemi sepse është proces i dëmshëm. Prandaj, edhe në procese të tilla të dëmshme Vetëvendosja asnjëherë nuk do të jetë e pranishme, përkundrazi do t’i kundërshtojmë fuqishëm”, tha Haxhiu.
Zyrtarët e Partisë Demokratike të Kosovës, thanë për Radion Evropa e Lirë, se deri tani nuk kanë pasur ndonjë ftesë konkrete, zyrtare, për përfshirje në procesin e dialogut.
Anëtari i kryesisë së Partisë Demokratike të Kosovës, Xhavit Haliti, nuk ka dashur të flas shumë lidhur me atë se a është lënë anash PDK-ja si parti në ketë proces apo jo, por ka deklaruar se nënshkrimi i çfarëdo marrëveshjeje që bije ndesh me Kushtetutën e Kosovës dhe kundër interesave të Kosovës, nuk do të ratifikohej në Kuvendin e Kosovës.
“Paqartësia e asaj se për çfarë do të bisedohet dhe çka do të nënshkruhet ka krijuar një ankth te qytetarët, te partitë politike dhe te njerëzit e arsyeshëm të Kosovës”, tha Haliti.
Ai i ka vlerësuar si pozitive disa përpjekje të kryeministrit Hoti për t’i takuar liderët e partive politike dhe për t’u konsultuar në këtë drejtim.
Megjithatë, zyrtarët e PDK-së më herët ia kanë bërë me dije kryeministrit Hotit se nuk e ka mbështetjen e PDK-së për dialogun, përderisa nuk udhëhiqet nga SHBA-ja.
Ata e kanë kritikuar qeverinë se nuk ka platformë e as strategji për këtë proces.
Ndryshe, partnerët e koalicionit të qeverisë Hoti, Aleanca për Ardhmërinë e Kosovës dhe Nisma Socialdemokrate, kanë kërkuar që edhe Partia Demokratike e Kosovës të përfshihet në Qeverinë Hoti.
Partitë politike në pushtet thonë se vendi ka nevojë për arritjen e unitetit politik, sidomos për çështjen e dialogut me Serbinë.
Në Qeverinë e Kosovës, por edhe zyrtarët e partive politike që e përbëjnë koalicionin qeverisës, kanë deklaruar se vetëm duke qenë të bashkuar dhe unik mund të arrijnë rezultate në procesin e dialogut me Serbinë.
Xhavit Beqiri, këshilltar i kryeministrit të Kosovës, Avdullah Hoti, i tha në fundjavën e kaluar Radios Evropa e Lirë, se sa i takon ‘Ekipit të Unitetit’, nuk ka ende diçka konkrete.
Procesi i dialogut ndërmjet Kosovës dhe Serbisë i lehtësuar nga Bashkimi Evropian si qëllim është thënë se ka normalizimin e raporteve dhe arritjen e një marrëveshjeje paqësore mes dy vendeve.
Një synim të ngjashëm e kanë edhe Shtetet e Bashkuara të Amerikës që tashmë kanë ftuar palët në një takim të radhës më 4 shtator në Uashington.
Në këtë takim do të marrin pjesë kryeministri i Kosovës, Avdullah Hoti dhe presidenti serb, Aleksandar Vuçiq. /Rel/
Lufta Prigozhin - Putin
Më shumëNga Rubrika
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Malet shqiptare tërheqin dhe gjermanët, veç natyrës vlerësojnë njerëzit, mikpritjen dhe ushqimin
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre