LAJMI I FUNDIT:

Opozita: Deklaratat e kryeministrit dhe ministrit të arsimit për vendimin e KShC-së, brutale dhe të dëmshme

Opozita: Deklaratat e kryeministrit dhe ministrit të arsimit për vendimin e KShC-së, brutale dhe të dëmshme

Mbledhja e Komisionit për Arsim ka dështuar shkaku i mungesës së kuorumit. Në këtë mbledhje ishte paraparë që të diskutohet lidhur me situatën e krijuar pas vendimit të Këshillit Shtetëror të Cilësisë.

Pjesëmarrës në këtë mbledhje ishin vetëm katër deputetët nga ana e opozitës. Ismajl Kurteshi, kryetar i këtij komisioni ka thënë se mbledhja shtyhet për të hënën në orën 13:00.

Ai ka shtuar se për këtë çështje do ta ftojë edhe ministrin e Arsimit.

“Sot kemi ftuar këtë mbledhje më të vetmen pikë të rendit të punës vendimin e fundit të Këshillit Shtetëror të Cilësisë e cila ka zgjuar reagime. Ne e kemi të pamundur ta mbajmë këtë mbledhje të komisioni pasi që mungojnë gjysma e anëtarëve”, ka thënë Kurteshi.

Ai ka shtuar se mendon që KShC është institucion i pavarur dhe profesional që ka të drejtë të marrë vendime bazuar në legjislacionin në fuqi.

” KShC do të duhej që raportet e eksperteve t’i bëjë publike për opinionin. Mendoj se ndërhyrjet apo deklaratat politike si ajo e kryeministrit dhe ministrit, janë të pavend dhe janë të dëmshme, për arsye se e dëmtojnë procesin. Nëse dikush ka argumente se KShC ka vepruar njëanshëm vendimet duhet t’i kontestojë në gjykatë”, u shpreh Kurteshi, transmeton Telegrafi.

Deputetja nga radhët e LDK-së, Valentina Bunjaku-Rexhepi theksoi se Këshilli Shtetëror i Cilësisë është votuar nga Kuvendi dhe se besojnë në kualitetin dhe punën e tyre.

Ajo ka shtuar se ndërhyrja e kryeministrit dhe ministrit nuk kanë qenë dashur të ndodhin.

“Politika nuk duhet të ndërhyjë në arsim. Me këtë ndërhyrje kryeministri dhe ministri e kanë bërë të pamundur punën e KShC. Ne si LDK duam që të gjithë të kryejnë punën e vet për çka janë thirrur, ne nuk anojmë nga asnjëra palë”, ka thënë Bunjaku-Rexhepi.

Edhe deputetja nga Vetëvendosje, Arbërie Nagavci theksoi se ndikimet politike në punën e Agjensionit, dëmtojnë procesin, transmeton Telegrafi.

“Ndikimet e tilla politike në punën e pavarur të Agjensionit do të dëmtojnë shumë procesin dhe kjo mund të ketë pasoja për studentët tanë të cilët pretendojnë t’i kryejnë studimet në vendet e BE-së”, ka thënë Nagavci.

Ajo ka shtuar se kryeministri duhet të sqarojë deklaratat e tij ku thotë se anëtarët e Agjensionit janë mafioz.

Driton Çaushi nga PSD tha se është për keqardhje që në këtë mbledhje munguan anëtarët e tjerë të komisionit.

“Fatkeqësisht përveç deputetëve anëtarëve të komisionit nga opozita nuk patë pjesëmarrës tjerë, dhe kjo është zhgënjyese. Deklarimet politike tashmë kanë dëmtuar punën e këtij agjensioni. Konsiderojmë se ndërhyrja nga ministri i arsimit dhe kryeministri, është brutale”, u shpreh Çaushi. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori